Hér eru nýjustu fréttir af okkur.

Fréttir 2017.

Það er orðið langt síðan settar hafa verið inn fréttir frá okkur hérna en nú verður gerð bragabót á því. Ástæðurnar eru margar,trassaskapue,tímaþröng,flutningar,bilun í heimasíoðu og margt fleira sem kemur þar inn í.

En fyst skal taka fram breytingar vegna þess að taka hænu í fóstur sem voru gerðar í október á síðasta ári.  

Engar breytingar eða hækkanair hafa verið gerðar á þessu síðan 2010 en allt hefur marg hækkað síðan eins og til að mynda .fóður,öll önnur aðföng,rafmagn og fl.

Því var sú ákvörðun tekin í stað þess að hækka þetta mikið að stytta tímann en hækka ekki upphæðina og verður hún sú sama og var það er 25.000 kr fyrir fósturtímabilið og í stað þess að hafa 11 mánuði á ári eins og var verður árið fullt það er 12 mánuðir.

I stað þessa verðu því fósturtíma árið því eitt í stað tveggja áður eins og var en við bætist 1 mánuður á árið í staðinn.

Eins og þetta var áður án allra hækkanna gekk bara ekki upp enda var verið að gefa kíló af eggjum í hverjum mánuði í 12 mánúði til hvers og eins og þegar fósturhænu eigendur eru orðnir 70 talsins eins og var þá gerir þetta 70 kg af eggjum í hverjum mánuði í eitt ár.Það stendur ekkert bú undir slíku og allra síst svona lítið bú eins og þetta.

Mér er illa við allar hækkanir en oft neyðist maður í þær vegna utan að komandi aðstæðna og breytingar er ég ekki mikið fyrir heldur nema neyðast til þeirra og að þörf og nauðsin.

Fósturtíminn er því eitt ár núna það er 12 mánuðir og verðið er það sama og var.

 

Fréttir 2013.

Lesið vel og kynnið ykkur vel.

 

Tillaga nefndarinnar sem skipuð var á síðasta aðalfundi og fjallaði um útlitseinkenni íslensku Landnámshænunnar. Lesið þetta vel,kynnið ykkur þetta og myndið ykkur skoðun á þessu.

 

Lýsingar á einkennum íslensku landnámshænunnar

 

 - tillaga nefndar sem skipuð var skv. ályktun aðalfundar ERL 2011

 

 I   Útlitseinkenni:

 

1.         Fremur lítill haus miðað við búkstærð og goggur stuttur, breiður og boginn fremst.                           Misstórir fjaðratoppar á haus algengir.

 

2.         Kambar af ýmsum gerðum, einfaldir; annað hvort beinn eða lafandi, rósakambur,                               blöðrukambur, kórónukambur og krónukambur.

 

3.         Eyru hvít.

 

4.         Separ langir á hönum en misstórir á  hænum.

 

5.         Augu gulgræn.

 

6.         Háls fremur stuttur og sver.

 

7.         Búkur þéttvaxinn, stutt bak sem mjókkar aftur, og breið, hvelfd bringa. Þyngd: hænur 1,4 -               1,6 kg og hanar 2,1 - 2,4 kg (fullvaxið).

 

8.         Fiðurhamur þéttur.

 

9.         Vængir breiðir og stuttir, mjókka aftur með búknum.

 

10.       Stél hátt sett, mjög hreyfanlegt. Hanar með nokkrar langar og bognar stélfjarðrir (5-7).

11.       Litafjölbreytni mjög mikil, allir litir leyfðir.

 

12.       Leggir langir og í mörgum litum.

 

13.       Hænur með litla spora en hanar með langa og uppsveigða spora.

 

14.       Klær fjórar, afturkló eilitið innanfótar.

 

15.       Leggir berir en dúnn þekktur utan á legg niður að sporastæði.         

 

II   Atferliseinkenni o.fl.

 

1.         Mannelsk, forvitin og sjálfbjarga. Halda góðu jafnv

 

2.         Hænurnar hafa sterka móðurhvöt og vill gjarnan liggja á.

 

3.         Hver einstaklingur hefur  sinn persónuleika.

 

4.         Getur verið hörð, grimm og árásargjörn gagnvart hver annarri, í vörn eða þegar henni er                   ögrað og ógnað.

 

5.         Frjósemi oftast góð hjá báðum kynjum.

 

6.         Varp hefst 5-6 mánaða og hænurnar verpa vel í allt að 3 ár. Á tímabilinu október til                              nóvember fellur varp nánast alveg niður vegna fiðurfellingar. Þolir 7-8 klukkustunda                          dimmu á sólarhring án þess að varp skerðist.

 

7.         Kjörhitastigið er 7-8oC.

 

 

Lagt fyrir aðalfund ERL 2012

 

 

Frétt í Mbl.í gær.

16.júlí.

 

Landnámshænsnabóndi fær engin svör

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Landnámshænur á Tjörn í Vatnsnesi. Júlíus Már Baldursson

 

„Ég fer ekki að framkvæma neitt hérna fyrr en ég er kominn með vissu fyrir því að ég megi vera hérna áfram,“ segir Júlíus Már Baldursson, landnámshænsnabóndi á Tjörn í Vatnsnesi.

 

Tjörn er ríkisjörð, með lífstíðarábúð. Júlíus tók við jörðinni af bróður sínum sem hafði haft jörðina á leigu og með vitund landbúnaðarráðuneytisins. Í kjölfar bruna fyrir tveimur og hálfu ári, sem mbl.is greindi frá hér á vefnum, sagði bróðir Júlíusar leigusamningnum upp og síðan hefur hann beðið þess að jörðin verði auglýst svo að hann geti sótt um áframhaldandi búsetu. Síðan eru hins vegar liðin tvö og hálft ár og ekkert bólar á auglýsingunni þrátt fyrir ítrekaðar fyrirspurnir og aðstoð Bændasamtakanna.

 

„Síðustu svör frá jarðadeild ráðuneytisins voru að jörðin yrði auglýst á vordögum, úthlutað í byrjun sumars og nýr ábúandi tæki við 15. ágúst,“ segir Júlíus. „Nú er kominn 16. júlí og ekki farið að auglýsa jörðina enn.“

 

Bráðabirgðaaðstaða sem stendur

 

Um tvö hundruð landnámshænur brunnu til kaldra kola með útihúsunum í brunanum á Tjörn forðum. Júlíus hóf ræktunina á ný og hefur aftur komið sér upp fullum stofni. Heldur hann fuglana í fjárhúsum á jörðinni sem stendur en þyrfti að einangra þau betur og gera betur úr garði. Myndi hann einnig vilja koma upp betri gestastofu til að taka á móti hópum sem kynna vilja sér íslensku landnámshænuna en sem stendur er aðeins um bráðabirgðaaðstöðu að ræða.

 

„Ég er ekki að fara fram á neinn forgang,“ segir hann. „En ég vil geta sótt um. Jörðin sem slík hentar ekki nútímabúskap í dag, til þess eru túnin of lítil, en hún hentar vel fyrir landnámshænurnar og ferðaþjónustu.“

 

Ekki fengust svör við hvað tefur málið hjá landbúnaðarráðuneytinu þegar mbl.is hafði þangað samband fyrr í dag.

 

 

 

Fjöldi fólks kemur að Tjörn og kynnir sér íslensku landnámshænuna árlega. Júlíus Már Baldursson

K 100,Svali og Svavar Örn.

16.júlí.

 

Útvarpstöðin K 100 með þá félaga Svala og Svar Örn innanborðs hringir reglulega hingað að Tjörn til að fá fréttir af hænunum sem strákarnir tóku að sér sl.vetur. Hænunum var að sjálfsögðu gefin nöfn og heita þær Arnþrúður og Geirþrúður. Strákarnir eru alltaf hressir og gaman að heyra í þeim....oftast hringja þeir hingað um kl 8 á mánudagsmorgnum svona til upplýsingar fyrir þá sem vilja og eða hafa áhuga á að hlusta. Hægt er að fylgjast með þessu á "facebooksíðum" Landnámshænunnar sem og á síðu þeirra félaga á K 100. Þátturinn sem þeir stýra er alla morgna á virkum dögum frá kl 7-10.

 

 

RUV AK í heimsókn

16.júlí.

 

Von er á fréttamönnum frá RUV Ak í heimsókn að Tjörn í dag en gera á stuttan fréttapistill um Landnámshænuna og hvernig gengið hefur hér eftir brunann sem varð hér 2010.

 

 

Skjólveggurinn við gestaaðstöðu kominn upp

15.júlí.

 

Þá er lokið við að koma upp skjólveggnum við útigesta aðstöðuna hér á Tjörn en nauðsynlegt var að koma honum upp til að mynda skjól fyrir norðlægum áttum hér enda geta þær verið kaldar þegar líður á daginn. Síðasti spítan var varla komin upp þegar fyrsti hópurinn kom hingað heim og fékk sér kaffisopa í nýju aðstöðunni. Hægt er að sjá myndir af aðstöðunni á "facebooksíðu" Landnámshænunnar ef fólk hefur áhuga á því.

 

 

Mikið af gestum

13-14 júlí.

 

Enn heldur gestastraumurinn áfram hingað á Tjörn. Mikið kemur heim af einstaklingum sem eru að ferðast um í fríinu sínu bæði innlendum sem og erlendum ferðamönnum sem og hópar með rútum. Fólkið skoðar fuglana,unga,kjúklinga og aðstæður hér ,spjallar og fræðist um ræktunina og fær sér svo kaffisopa áður en það heldur af stað á ný.

 

 

Fyrstu hollin af ungum uppseld

12.júli.

 

Þrjú fyrstu hollin af ungunum er uppseld með öllu núna en fáeinir fuglar eru til sem eru að verða 10 vikna gamlir. Þá er að koma inn stórt holl sem telur rúml.150 fugla en þessir kjúklingar verða tilbúnir til afhendingar nú í lok júlí ef einhverjir eru að spá í að fá sér fugla. Farið verður svo í að afgreiða uppí pantanir af þessu holli nú undir næstu mánaðarmót.

 

 

Stöð 2 á Tjörn

10.júlí

 

Í dag var statt hér á Tjörn fólk frá Stöð 2 til að taka upp þátt um Tjörn og Landnámshænuna.Það var Sigrún Ósk sem tók viðtalið og Bjarni sem sá um hljóð og myndir. Þau voru komin hingað um kl 14 og lauk svo tökum hér rúml.17.30 seinnipartinn. Þessi þáttur fer svo í sýningu á Stöð 2 nú í haust.

 

Kyngreint og fækkað

07.júlí.

 

Klárað var kyngreina tvo holl af ungum hér í dag og hönunum fargað. Það munar svo miklu að fækka þessu af dýru fóðri sem og það verður rýmra á fuglunum sem eftir eru. Þessir kjúklingar eru nú 8 vikna gamlir og tilbúnir í sölu og til afhendingar ef þarf og vill.

 

Búið að afgreiða uppí pantanir að mestu

05.júlí

Nú er búið að afgreiða uppí flest allar pantanir af þessum tveimur hollum sem elst voru og búið var að kyngreina. Aðeins er eftir að afgreiða tvær pantanir og verður það gert nú eftir helgina. Byrjað verður svo á að afgreiða upp í aðrar pantanir sem bíða hér í lok júlí en það eru fuglar sem verða orðnir 8 vikna gamlir þá og kyngreindir. Þessar pantanir bíða afgreiðslu vegna þess að kaupendur eru að gera hús og aðstöðu klára fyrir fuglana.

 

 

Tekið til,hreinsað og skipulagt

04.júlí

 

Dagurinn í dag var notaður til að taka til í vélageymslunni sem og í hlöðunni gömlu.Dóti raða upp og sorterað.Þá voru sett út fl.borð og stólar sem og sett saman útisófasett sem verður haft í öðrum endanum á pallinum.

 

Nýjir heimilismeðlimir

02.júlí.

 

Ég skrapp suður í dag til útréttinga og fl.og tók svo með mér norður tvo nýja heimilismeðlimi hingað að Tjörn sem eru tveir hreinræktaðir Labrador hundar......4 ára gömul tík og 9 mánaða sonur hennar.Ljós á lit og afskaplega falleg bæði tvö.

 

Mikill og stöðugur gestagangur

30.júní.

 

Í gær og í dag hafa komið samtals 32 til að skoða fuglana hér á Tjörn og finnst fólki mjög gaman pg fræðandi að sjá þá sem og heyra sögu þeirra.All flest eldra fólk man eftir svona fuglum heima hér í "den" eins og margir kalla þetta.

 

Byrjað á að setja upp skjólvegg

28.júní.

 

Byrjað var á í dag að setja upp skjólvegg við norður endann á pallinum til að skýla fyrir norðan áttinni en hún getur verið köld hér ef hann blæs hressilega .Áður var skjól frá henni þar sem gömlu útihúsin stóðu og þau skýldu vel fyrir henni en þau eru nú vist ekki til staðar hér lengur. Alls komu 9 manns hingað í dag til að skoða.

 

Pallurinn kominn upp.

25.júní.

 

Þá er pallurinn kominn upp en ákveðið var að stækka hann aðeins frá þvi sem byrjað var með og er hann nú um 100 fm.Búið er að setja upp borð og stóla fyrir 20 manns en hægt er að bæta við og hafa sæti fyrir allt að 60 manns hér í einu núna. Þá voru sett upp blómaker og blóm til að gera þetta svona aðeins sumarlegra og vistlegra. Alls komu 14 manns í dag til að skoða,fræðast og spjalla.

 

Dansklúbburinn Laufið.

23.júní.

 

Í dag kom dansklúbburinn Laufið úr Reykjavík hingað að Tjörn alls 47 manns til að skoða og fræðast um fuglana.Fólk var almennt hrifið og margir spurðu margs um Landnámshænuna enda mundu margir eftir henni heima hjá sér hér á árum áður. Fólkinu var svo boðið konfekt og spjall á eftir skoðunina og öllum voru gefnir bæklingar. Þessi hópur var á hringferð um Vatnsnesið og kom víða við.

 

Byrjað að setja upp bráðabirðapall.

21.júní.

 

Byrjað var á því að setja upp pall til bráðabirða hér á Tjörn í dag svo hægt sé að setja út borð og stóla fyrir gesti til að tilla sér á og spjalla saman þegar skoðun er lokið. Alls komu 13 gestir í dag til að skoða fuglana og fræðast um þá.

 

 

Gleðilega þjóðhátíð!

 

Enn fleiri gestir.

17.júní

 

Mikill gestagangur var á Tjörn í dag en alls komu 23 til að skoða og fræðast um fuglana.

 

Mikill gestagangur.

16,júní.

 

Alls komu 17 manns til að skoða og fræðast um fuglana í dag,verst hvað mig vantar góða aðstöðu til að geta tekið vel á móti fólkinu.

 

Vélarnar þrifnar og gert hlé í bili.

06.júní.

 

Útungunarvélarnar voru þrifnar og sótthreinsaðar í dag og verður nú gert hlé á útungun í bili þar sem enn er til nóg af ungum á bænum.Tvö stór holl verða svo tilbúin til afhendingar um næstu mánaðrmót og þegar er farið að panta af þeim. Stefnt er að því að setja í allavega tvær vélar til viðbóta,kannski þrjár um næstu mánaðarmót (júní-júlí) eða alls 400-600 egg í allt.

 

Þá er útungun lokið úr síðustu vélinni.

04.júní.

 

Útungun lauk í dag úr þríðju og síðustu vélinn sem sett var í og eru allir ungarnir komnir í búrin og undir hitaperur og fara nú í uppeldi.Alls komu 178 ungar úr þessari vél.

 

 

Útungun úr síðustu vélinni.

02.júní.

 

Þá er útungun hafin í síðustu vélinni af þeim þremur sem sett var í. Þeir ungar sem skriðu úr eggjum í nótt sem leið eru nú komnir undir hitaperur og dafna vel.

 

Útungun lokið í bili.

27.maí.

 

jæja þá er útunguninni lokið í bili og eru allir ungar komnir í búrin undir hitaperur og verður fylgst vel með þeim næstu dagana eins og venjulega. Passað er uppá að þeir læri á að komast í fóður og vatn sem og að þeir hafi það gott og bunki sig ekki saman. Næsta útungun verður svo um mánaðarmótin en þá er von á ungum úr vél 3 eða úr alls 200 eggjum.

 

30 þúsund heimsóknir eða flettingar!

25.maí.

 

Sá stórkostlegi áfangi náðist í dag að heimsóknir á heimasíðuna voru orðnar 30 þúsund talsins. Þetta er gríðarlegur áfangi á ekki eldri síðu finnst mér og ekki síst þar sem málefnið er ekki svo margra enda skiptir áhugafólk um Landnámshænuna ekki þúsundum heldur nokkur hundruðum. Það gleður mig mikið hver síðan er lifand og hve margir heimsækja hana.Vonandi kemur hún fólki að góðum notum eins og ætlast var til frá upphafi og að fólk geti nálgast fróðleik þar sem það hefur gagn af. Ég þakka ykkur öllum kærlega fyrir innlitin.

 

 

Útungun byrjuð í vélum 1 og 2.

25.maí.

 

Útungun hófst í tveimur vélum nú í morgun og fara þeir ungar undir hitaperur í fyrramálið.Alls eru komnir 207 ungar í dag en útungun líkur á morgun úr þessum vélum.

 

Breytingar standa yfir.

24.maí

 

Mokað var út úr norðvestur horni fuglahússins í gær og í dag. Herbergi sem þar var var rifið niður og allt plássið sem þar var og losnaði núna við þetta var skipt niður í tvö jafn stór herbergi fyrir kjúklinga í uppeldi. Þau eru þá orðin 3 talsins núna og öll jafnstór. Bætt verður svo við einu herbergi í viðbót .Alls verða því 4 jafnstór herbergi hlið við hlið þegar þessum framkvæmdum líkur í lok vikunnar. þegar þessu er lokið verður 5.herberginu bætt við við endan á ganginum.Þegar inn er komið eru smáungar á vinstri hönd í 4 stórum búrum en þessi herbergi á hægri hönd og breiður gangur á milli.................við enda gangsins er svo 5.herbergið en það verður endurnýjað þegar hin eru tilbúin. Verið er að klára að einangra veggina uppá nýtt og klæða krossvið utan á þá og verður þetta allt opnara,bjartara og þægilegra fyrir fuglana,gesti og hirðirinn þegar þessum framkvæmdum lýkur.

 

Stækkað hjá hænunum.

22.maí.

 

Í enda svæðisins þar sem hænurnar eru voru tvö herbergi sem notuð voru fyrir kjúklinga í uppeldi. þessi herbergi voru rifinn í dag og stækkaði svæði hænsnanna sem þeim nam. Næst verður farið í það að flytja prikin í enda svæðisins þar sem herbergin voru og fjölga þeim sem og þá verða varphólfin flutt yfir á annan vegg og þeim fjölgað um nærri helming og fara þau úr að vera 26 í 42 talsins. Svæðið er allt mikið opnar og bjartara núna enda bara einn geymur og fer vel um fuglana. Nýjar spænir voru settar á gólfið hjá þeim sem og í varphólfin. Þá var fóðurílátunum og vatnsílátum fjölgað um helming og eru nú tvö 40 kg fóðurílát og tvö 30 lítra vatnsílát hjá fuglunum sem eru tengd við vatnið. Fuglarnir komast alltaf í fóður og vatn þegar þeim hentar. Þá voru sett út tvenn ný vatnsílát fyrir fuglana svo þeir þyrftu ekki að fara inn á daginn ef þeir þurfa að komast í vatn og er ekki að sjá annað að þeim líkar þetta fyrirkomulag mjög vel.

 

Byrjað að afgreiða uppí pantanir.

20.maí.

 

Þá er byrjað að afgreiða uppí þær pantanir sem komnar voru og fóru fyrstu fuglarnir til sinna eigenda í dag og fleiri fara á morgun. Fyrsta hollið er uppselt og verða þeir fuglar allir komnir til sinna eigenda í byjun júní ef plön ganga eftir. Búið er að panta þó nokkuð mikið úr hollinu sem verður tilbúið nú í lok júní og verður farið að afgreiða þá fugla til sinna eigenda undir mánaðarmótin júní/júlí.

 

Veðrið skánar.

18.maí.

 

Norðan áhlaupið stóð yfir í rúml.tvo sólarhringa og gerði hvítt hér ásamt því að skaflar komu við hús þar sem skjól var. Sólbráðin að degi til tók þetta að mestu upp hægt og rólega á þremur dögum og var allt horfið á 6.degi.Það er vonandi að þetta hafi ekki skemmt egg sumarfuglanna en hér var um 5 stiga hiti að degi til en við frostmark og niður í 3ja stiga frost á næturnar í rúmlega viku.

 

Skjótt skipast veður í lofti.

13.maí.

 

Já það má segja að veðri breytist fljótt hér á landi....eftir að hafa haft sól,þurrt og golu eða kalda í um 3 vikur (gluggaveður) þá brast hann á með NA stormi hér í nótt sem leið og byrjaði að snjóa uppúr hádeginu í dag. Gekk svo á með stórhríð hér á tímabili og er búið að snjóa í mest allan dag.Nærri orðið hvítt yfir að líta hér á Tjörn en þó ekki alveg alhvítt. Vonandi hafa flestir bændur náð að athuga með lambféð sem komið var út og maður bara sár vorkennir sumarfuglunum sem voru komnir og sungu hér um alla móa og tún. Það passaði að ég heyrði og sá til fyrstu kríanna hér á þessu vori í gær hérna vestur á melunum en krían er stundvís hér,kemur alltaf 10.-12 maí á hverju vori. Það er vonandi að þetta áhlaup sem nú er gangi fljótt yfir og engin beri skaða af þessu.

 

Sett aftur í vél 3.

12.maí.

 

Búið er að þrífa og sótthreinsa vél 3 og verða sett egg í hana á morgun þann 13.maí. Þeir ungar koma svo um 02.júní eins og áður hefur komið fram hér neðar í fréttum. 10 af þessum ungum fara svo til sýnis í Dýraríkið í Holtagörðum og verða þar í mánuð en þá verður skipt um unga,þessir sem nú eru þar verða teknir til baka en litlir ungar settir í staðinn.

 

Mikið að gera.

09.maí

 

Búið er að vera mikið að gera nú í langan tíma....útungun á fullu,ýmis vorverk úti og inni,mikið af tölvupóstum til að svara,símarnir stoppa ekki flesta daga enda mikið hringt og spurt um leiðbeiningar og ýmsar ráleggingar varðandi fuglana bæði unga sem og fullorðna og það fer mikill tími í að svara þessu öllu með öðrum verkum.Þá er mikið um pantanir og svo eru það félagsstörfin fyrir félagið. Sú vinna er farin af stað að finna staði fyrir sýningar í sumar og tekur það tíma.Þá er vinnunni af minni hendi vegna blaðsins að ljúka,búið er að gera uppskriftir og prófa þær,skrifa greinar og margt fl. sem þarf að gera. Og svo er ég að hanna auglýsingar fyrir mig til að eiga í tölvunni og get þá bara sent þær inn til þeirra sem ég vil auglýsa hjá í hvert sinn. Mikið betra og léttar að eiga þetta bara til og staðlað en að þurfa að vera að búa þær til jafnóðum. Jónas P. Hreinsson sem er grafískur hönnuður aðstoðar mig við gerð auglýsinganna en hann setti upp heimasíðuna fyrir mig á sínum tíma.

 

Útungun lokið í vél 3.

07 maí.

 

Útungun lauk í vél 3 í dag og verður hún nú þrifin og sótthreinsuð. Alls komu 187 ungar úr þessum 200 eggjum og eru þeir nú komnir undir hitaperur.Smíða þurfti nýtt búr undir þá þar sem hin voru orðin full og var smíðað eitt 3ja metra langt búr og settar upp hitaperur í hlífðar skermum,fóður og vatnsílát í það. Ungarnir una sér vel þarna og hafa það gott.

 

Sett í vélar á ný.

04.maí.

 

Vélarnar voru þrifnar og sótthreinsaðar í dag og settar í gang til að hita þær upp.Sett voru egg í tvær vélar núna eða alls 400 egg og er von á ungum úr þessum eggjum núna seinnipartinn í maí. Þriðja vélin losnar svo nú um næstu helgi og verður þá sett aftur í hana eða alls um 200 egg. Ungar úr þeim eggjum ættu svo að koma 02.júní.h.k.

 

Ungar til sýnis í Dýraríkinu.

01.maí.

 

Dýraríkið í Holtagörðum gerði samning við mig um að fá nýklakta unga í byrjun hvers mánaðar og hafa þá til sýnis í versluninni hjá þeim í allt sumar og fram á haust svo fólk geti farið og skoðað litla unga ef það vill. Þá er það ekki síður skemmtilegt að fara með börnin og eða barnabörnin og leifa þeim að skoða ungana,kynnast þeim og sjá hvað þeir eru duglegir þó litlir séu. Ferlið við þetta verður þannig að um hver mánaðarmót fer ég með 10 nýklakta unga til þeirra og tek eldri ungana með mér til baka.

 

Útungun lokið í bili.

30.apríl.

 

Þá er útungun lokið í bili og ungarnir komnir undir hitaperur. Fylgst verður vel með þeim næstu sólarhringana og passað uppá að þeir komi sér bæði í fóður og vatn annars ofþorna þeir og drepast. Þessu þarf að fylgjast vel með þegar sjálf hænan er ekki með þá í sinni umsjón en hún kallar á þá , leiðbeinir þeim og passar fyrstu dagana.

 

 

Ungar skríða úr eggjum.

27apríl.

 

Síðastliðna nótt byrjuðu ungar að skríða úr eggjunum sem sett voru í tvær vélar eða alls 400 egg og fóru 190 ungar undir hitaperur í dag. Útungunin heldur svo áfram í nótt og á morgun ætti þetta að klárast. Þá eru ungar væntanlegir úr 200 eggjum á sunnudaginn kemur en það var sett viku seinna í þá vél.

 

Undirbúningur vegna komu unganna.

25.apríl.

 

Undafarna daga hef ég verið að undirbúa komu unganna sem eru væntanlegur fyrir og um helgina. Þeir ungar sem komu í byrjun apríl voru færðir í mun stærra pláss eftir að það hafði verið þrifið og sótthreinsað vel og settar nýjar spænir á gólfið,ný og stærri fóður og vatnsílát ásamt hitaperum og skremum. Þá vor ungabúrin þrifin og sótthreinsuð og gerð klár fyrir ungakomuna og bætt við þau en áður voru þetta tvö 3 metra löng búr en eru nú orðin alls 3. Ég varð að bæta við búri þar sem ungarnir koma ekki á sama tíma úr vélunum núna og þurfa yngstu ungarnir að vera alveg sér fyrstu dagana eða allavega á meðan þeir eru að ná sér á strik,læra á ílátin og læra að borða og drekka. Það munar svo miklu á ungunum fyrstu dagana þó það séu ekki nema 4 dagar á milli þeirra.

 

Gleðilegt sumar!

 

Vonadi verður sumarið ykkur öllum gjöfult og gott og tíðin góð.Hér hefur verið hægviðri og sól í næstum viku en kalt.Hiti hefur verið um 5-7 stig að deginum en 0- 3 stiga frost á næturnar.Lóan er komin og syngur sitt fallega dirrin dí um öll tún og móa .

 

Nýjar upplýsingar um sjúkdóma.

13.apríl

 

Það er búið að standa til lengi að koma inn þessum upplýsingum en bara ekki fundist tími til þess fyrr en nú. Svo nú eru komnar inn nýjar upplýsingar um orma sem geta herjað á fuglana sem og glennta fætur á smáungum undir tenglinum "Heilsufar og sjúkdómar" Sem betur fer hefur lítið borið á að fuglanir fái orma en allt getur samt gerst og þá er gott að eiga ráð til að losna við þá nú eða hjálpa ungum að rétta úr fótunum svo ekki þurfi að lóga þeim.

 

Ný vél tekin í notkun.

09.apríl.

 

Ákveðið var að taka eina af nýju vélunum til viðbótar í notkun og var hún sett upp,þrifinn og sótthreinsuð í gær.Sett voru 200 egg í hana í dag og eru ungar væntanlegir úr þeim eggjum í apríl lok eða í kringum mánaðarmótin næstu. Það eru þá alls 600 egg í þremur vélum hér núna í útungun og ættu því vonandi að vera til nóg af ungum í sumar.

 

Sett í tvær vélar á ný.

06.apríl.

 

Nú hafa vélarnar verið þrifnar og sótthreinsaðar og var sett í þær aftur í dag.Alls voru sett 400 egg í þessa tvær vélar og eru ungar væntanlegir 26-27 apríl n.k.

 

Mikið um heimsóknir.

05.apríl.

 

Mikið hefur verið um heimsóknir nú um Páskadagana hér á Tjörn til að skoða ungana og komu til dæmis 5 fjölskyldur hingað heim á Skírdag.Það er má segja óvenju mikið á þessum árstíma en greinilegt að fólk hefur verið á ferðinni og vöktu ungarnir mikla hrifningu,ekki síst hjá börnunum.Þá var fermingarmessa í Tjarnakirkju á Skírdag og Hátíðarmessa í kirkjunni á Páskadag.Tíðiin hefur verið ágæt undanfarið,allt autt og farið að gróa og má segja vor í lofti.Þá hvessti á annan dag Páska af norðaustan og kólnaði og gerði hvítt niður fyrir miðjar hlíðar í fjöllum hér í kring.Enn er þó autt á láglendi.

 

Páskaungar til sýnis í Dýraríkinu.

31.mars.

 

Nýklaktir ungar,svokallaðir Páskaungar frá Tjörn verða til sýnis í Dýraríkinu í Holtagörðum frá miðjum laugardegi ( í dag) og verða ungarnir þarna fram yfir Páskahátíðina. Hvet ég fólk til að skreppa með börnin og eða barnabörnin og leifa þeim að sjá litlu krílin hvað þeir eru litskrúðugir,fallegir og duglegir.

 

Fyrstu ungarnir komnir.

30 mars.

 

Þá eru fyrstu ungarnir á þessu vori að koma úr eggjunum.....útungun hófst sl.nótt og á hádegi í dag vorum komnir á annað hundrað ungar. Hluti af þeim er komin undir hitaperur og restin fer undir hitaperur í fyrramálið. Þá ætti útungun úr þessu fyrsta holli að ljúka nú á sunnudaginn kemur. Eftir það verða vélarnar þrifnar og sótthreinsaðar og stefnt er að því að setja 400 egg í vélarnar á nýjan leik næstkomandi þriðjudag eða þann 03.apríl. Ungar úr þeim eggjum ættu því að koma þann 23-24 apríl n.k.

 

Tvö ár liðin frá brunanum.

28.mars

 

Síðast liðna nótt voru liðin tvö ár frá brunanum sem varð hér á Tjörn,alveg ótrúlegt hvað tíminn líður hratt og hvað lítið hefur verið gert hér á þessum tíma.

 

Hætt að snúa eggjunum.

27.mars

 

Í dag var snúningi hætt á eggjunum í vélunum og ungarnir væntanlegir nú á föstudag og laugardag. Það er vonandi að það komi sem flestir ungar í þessu holli.

 

Fyrsta útungun hafinn á þessu vori.

11.mars

 

Þá er útungunin byrjuð á þessu ári og lokið við að setja alls 400 egg í tvær fyrstu vélarnar. Ungarnir koma svo úr þessum eggjum um næstu mánaðarmót og er stefnt að því að viku seinna eða strax upp úr páskum verði sett aftur 400 egg í aðrar tvær vélar.

 

 

Útungun að byrja.

8.mars

 

Búið er að setja fyrstu eggin í vélarnar á þessu vori og sett voru 200 egg í fyrstu vélina í dag þann 8. mars og munu ungar koma úr þeim eggjum 29.mars n.k. Þá verða sett 200 egg í aðra vél nú um næstu helgi eða þann 10.mars og koma þeir ungar þann 31.mars. Nauðsynlegt er að fá unga úr eggjum um mánaðarmótin næstu eða 30.mars til 01.apríl vegna páskanna enda hefur mikið verið beðið um unga til sýnis í gæludýraverslanir sem og í leikskóla vikuna fyrir páska. Stefnt er að því að koma ungunum til skila í verlsanir og leikskóla sunnudaginn 01.apríl og verða þeir til sýnis frá 01.apríl og fram yfir hátíðina eða til 09.apríl.

 

Vorverkin byrjuð.

Byrjun mars

 

Þá eru vorverkin að byrja og hafinn er undirbúningur á að setja í fyrstu útungunar vélarnar á þessu vori. Ekki beint vorlegt að vísu en tíminn verður víst að ráða þessu en ekki veðurfarið.

 

 

Áframhaldandi leiðinleg tíð.

Febrúar/mars

 

Sjaldan eða aldrei hefur veðrið verið eins leiðinlegt og eins mikið um langvarandi rok og þennan vetur sem er langt liðin.Fyrst skiptust á norðan og sunnan áttir með éljum og snjókomu og oft 15-18 metrar á sek. Það hlóðst upp í skafla,frostakaflar voru langir og ófærð oft á tíðum. Undafarið hefur mikið verið um sunnan áttir með éljum,hiti og vægt frost til skiptis,auð jörð og hvít.Stöðugir umhleypingar og oft 18 m á sek,og yfir 20. Langtímaspáin gerir ráð fyrir svipuðu veðri eitthvað áfram og von á áfram haldandi sunnanáttum með éljum. Það er vonandi að vorið komi snemma í ár eftir fremur leiðinlegan og langan vetur og verði milt,allavega verður það vonandi skárra en sl.ár enda kom sumarið hér ekki fyrr en um miðjan júlí má segja ,vorði var mjög kalt og það haustaði óvenju snemma hér.

 

Byrjað að setja hanana saman við hænurnar.

Febrúar lok

 

Eins og kannski kunnugt er eru hanarnir teknir frá hænunum í október hér á bænum og er það gert til þess að hænurnar hafi meir frið og ró yfir vetrarmánuðina enda engin útungun í gangi á þeim tíma og því ekki þörf á frjóum eggjum. Byrjað var á að setja hanana til hænanna seinnpartinn í febrúar og voru settir 3 hanar yfir til þeirra fyrst í stað og þeim leift að venjast saman í nokkra daga. Þá var bætt við þremur í viðbót og þannig koll af kolli þar til þeir voru allir komnir saman við hópinn enda er búið að vera mikið fjör og læti.Nú þurftu þeir að berjast um hylli kvenkynsins á nýjan leik sem og virðingarstigann og gekk má segja mikið á suma dagana. Allt er nú farið að róast mikið núna en auðvitað er stöðugt áreiti á milli þeirra til að halda völdum og virðingarstiganum en hin eiginlegu slaksmál eru að mestu hætt.

 

Velbú......þarfur og góður félagsskapur.

Miður febrúar

 

Vildi bara benda þeim á sem ber og hefur velferð dýra að leiðarljósi að til er góður og þarfur félagsskapur sem ungt fólk hefur stofnað og kallast Velbú.Slóðin á heimasíðu þessa félagsskapar er www.velbu.is Þarna er fólk á ferðinni sem er annt um velferð dýra og hugar vel að því hvernig búvaran sem það kaupir verður til sem og hvernig aðbúnaður dýranna er sem afurðirnar eru úr. Það var orðið þarft verk að stofna slíkan félagsskap hér á landi enda virðist sem svo á dýraverndunarlögin sem í gildi eru um aðbúnað og eftirlit dýra séu ekki að virka sem skildi. Það er vonandi að nú verði breyting á með nýjum lögum sem í smíðum eru hér á landi.

 

Enn leiðinlegt tíðarfar.

Miður febrúar

 

Það er víst ekki ofsögum sagt að veðrið hefur verið leiðinlegt undanfarnar vikur eða alveg frá því í lok nóvember á sl.ári. Stöðugir stormar eða hvassviðri úr flestum áttum en mest þó úr sunnan og norðanáttum.Skipst hafa á úrhellis rigningar eða snjókomur og skafrenningur enda var svo orðið hér að ófært var heim að bæ sem og á milli húsa vegna skafla.Hæðstu skaflarnir hér voru orðnir um eða yfir 4 metrar á hæð og náðu langt út á tún enda bætti stöðugt við þá ýmist að sunnan eða norðan. Ekki bætti úr skák svo frostakaflinn sem fylgi með nú í janúar. Nú hefur mikið þiðnað og verður vonandi svo áfram en enn er ófært fyrir bíla að húsunum hér þar sem fuglarnir eru og erfitt að koma fóðrinu að og inn vegna skafla. Þá situr maður núna uppi með þessa líka rosalegu svella bunka eftir þýðuna undanfarna daga að það er má segja hættulegt að ferðast hér á milli húsanna en maður fer nú að verða eins og vel þjálfaður ballettdansari eftir að hafa skriplað á þessu undafarið. Fuglarnir hafa ekki komist út í nokkrar vikur og hefur svo langur tíma á innistöðu aldrei komið fyrir hjá þeim áður og innistaða hefur í raun aldrei verið svona löng síðan ég byrjaði með þá eða í rúm 30 ár.Við skulum bara vona að það mesta sé búið í bili þó mars og apríl (páskahretið)sé eftir enn og að við fáum nú vorið snemma í ár.

 

Leiðinleg og erfið tíð.

Byrjun febrúar

 

Tíðarfarið hefur verið með afbrigðum erfitt og leiðinlegt undanfarnar vikur og hafa fuglarnir ekkert komist eða verið úti frá því seinnipartinn í nóvember. Stöðugt hefur hér gengið á til skiptis norðan og sunnanáttir með mikilli snjókomu,skafrenningi og skaflamyndunum svo ekki sé minnst á frostið sem hefur farið uppí 10 gráður suma dagana hér en oft verið 5-8 gráður og alltaf hefur fylgt þessu sterkir vindar eða stormar og rok.

Miklir skaflar eru t.d. þar sem útidyr hjá fuglunum eru og ná þeir upp undir þakskegg núna þar sem alltaf bætir í eftir þíðu á milli og því hefur ekki verið hægt að leifa fuglunum út enda fara þeir ekki út í slíkt veður hvort eð er.Skafrenningur,frosthörkur eða bleyta er ekki veður sem þeir sækja í til að vera úti við. Vonandi fer þessu að linna núna og að fuglarnir komist sem fyrst út í fersk og gott loft. Svona löng innistaða á fuglunum hefur aldrei verið hjá mér áður eða allavega man ég ekki til þess.

 

Verðlistinn uppfærður.

Janúar

Nú er búið að uppfæra verðlistann fyrir árið 2012. Smá hækkun hefur orðið á fuglunum frá því í fyrra en hún er má segja lítil. Þó hækka eldri aldurhópar aðeins.Yngri fuglar hækka ekki og eggin ekki heldur. Smá hækkun á eldri fuglunum var þó óhjákvæmileg þar sem fóður,ílát,annar búnaður sem og rafmagn hafa hækkað mikið á milli ára.

 

. Fréttir 2011

 

Heimasíðan vinsæl.

 

Sá áfangi næst nú í dag á gamlársdag að flettingar á heimasíðuna hafa verið 7000 talsins á árinu sem er að líða. Gaman að sjá hversu margir nota sér síðuna til að afla sér upplýsinga um Landnámshænuna og greinilegt að síðan er að skila sínum tilgangi. Takk fyrir þetta.

 

Breytingar á stjórn ERL....nýr formaður.

 

Sú breytinga var á stjórn ERl á þessum aðalfundi að Jóhanna G.Harðardóttir formaður lét af störfum í félaginu og var Július Már Baldursson á Tjörn kosinn í hennar stað.Júlíus sagði af sér sem ritari félagsins og við ritarastarfinu tók Guðný Linda Gísladóttir í Dalsmynni og Valgerður Auðunsdóttir á Húsatóftum er áfram gjaldkeri.

 

Aðalfundinum lokið.

 

Þá er aðalfundinum lokið þetta árið en þar var frekar fámennt í þetta skiptið.Kaffiveitingar voru í boði stjórnar eins og venjulega,formaður las upp skýrslu stjórnar fyrir árið 2010 og gjaldkeri fór yfir reikninga.Ýmis mál voru rædd og margt bar á góma. Svo er bara alltaf mjög skemmtilegt að hitta á fólkið sem mætir á fundinn og spjalla saman.

 

Yfir 6000 flettingar á þessu ári.

 

Flettingar eða heimsóknir inná heimasíðuna eru nú orðnar rúml.6000 talsins það sem af er þessu ári og enn er eftir um einn og hálfur mánuður af árinu. Skemmtilegt hvað síðan er vinsæl og vonandi kemur hún að sem mestu og bestu notum fyrir þá sem á þurfa að halda.

Takk fyrir allt þetta innlit á síðuna.

 

Aðalfundur ERL félagsins.

 

Þá er komið að aðalfundi félagsins en hann verður haldinn næstkomandi laugardag þann 05.nóvember kl.14.30 í Bændahöllinni við Hagatorg á annarri hæð.

(kaffistofa Bændasamtakanna)

Ýmis mál verða á dagskrá,kosið til stjórnar og fl. Endilega reynið að mæta sem flest,látið í ykkur heyra,komið með óskir ef þið hafið þær einhverjar og komið ykkar sjónarmiðum og málum á framfæri ef þið hafið einhver og ef það er eitthvað sem þið viljið sjá gerast í félaginu. Þetta er jú félagið okkar og við ráðum því hvernig það virkar með virkri þátttöku okkar sjálfra.

Kaffiveitingar verða í boði stjórnar og skemmtilegt spjall við aðra félagsmenn og hænsnaeigendur. Fræðandi bækur um hænur liggja frammi til að skoða og spá í.

Allir eða sem flestir að taka frá laugardaginn 05.nóvember og láta sjá sig á fundinum.

 

Mikið um ref/tófu á Vatnsnesinu!

 

Mikið hefur sést til tófu á Vatnsnesinu og sennilega fer þessum skolla fjölgandi hér eins og víða á landinu. Ég er búinn að sjá 8 tófur hér á þessu ári og hefur aldrei verið eins mikið um þetta síðan ég kom hingað að Tjörn. Maður sá ekki tófur hér eða heyrði til þeirra hér áður fyrr en sl.2 vor hef ég heyrt gaggið í þeim hér uppí hlíðunum fyrir ofan bæinn sem og í Tungufjallinu sem skilur á milli Þorgrímsstaðadals og Katadals en þeir dalir liggja hér sunnan við Tjörn. Þá hef ég ekið fram á tófur bæði í vegkantinum og fyrir utan veg hjá Illugastöðum,Ánastöðum,Geitafelli og hjá Stöpum og ein hljóp um daginn eftir bakkanum hér niðri í gili sem er um 400 metra frá Tjörn.Þetta hafa verið grámórauðar(flekkóttar) tófur sem og alhvítar.Síðast þegar ég skrapp til Akureyrar ók ég svo framhjá tveimur tófum,önnur mislit og hin hvít en þær voru fyrir ofan Krossanes og hjá Ægisíðu hér að austanverðu nesinu.Ekki veit ég hvernig veiðum á þessum dýrum er háttað hér en greinilegt er að þessu fer ört fjölgandi.Kannski er enginn skipulögð veiði framkvæmd hér á Vatnsneinu vegna sparnaðar eða niðurskurðar eða þa ðhefur aldrei verið svo en það er bara mál sem mér er ekki kunnugt um. En það er greinilegt að taka þarf á þessu máli áður en þetta fer úr böndunum og allur fugl hverfur héðan svo ekki sé talað um að fá þetta í hænsnahúsin eða hún fer að leggjast á sauðféð sem hér er mikið af og er um allt.

 

Aðalfundur félagsins.

 

Aðalfundur félagsins verður haldinn laugardaginn 05.nóvember á annarri hæð í Bændahöllinni við Hagatorg og hefst hann kl.14.30. Það væri gaman að sem flestir gæfu sér tíma og mættu á fundinn,hitta aðra félagsmenn og koma skoðunum sínum á framfæri og hugmyndum um hvað fólk vill gera eða hafa innan félagsins og spjalla saman yfir kaffi og meðlæti.Svo er nú líka bara gaman að hitta aðra hænsnaeigendur og rabba saman og skiptast á góðum ráðum og jafnvel sögum. Mætum sem flest á fundinn.

 

Útungun lokið

 

Jæja þá er útungun lokið í bili hér á bæ og komu síðustu ungarnir úr eggjunum þann 04.okt.sl. Allt afskaplega fallegir og duglegir hnoðrar. Alls komu 230 ungar í þetta skiptið og eru þeir nú undir hitaperum og verða svo næstu 4 vikurnar eða svo.Sá tími fer eftir veðurfari og tíðarfarinu en passa verður vel uppá þegar hitinn er tekinn af að það kólni ekki um of hjá þéim því þá bunka þeir sig í hornin á búrunum og geta kafnað/troðist undir.

 

Hnoðrarnir hrúgast úr eggjunum.

 

Í gær (sunnudag) voru settir 107 ungar undir hitaperur úr fyrri vélinni og eru þeir því orðnir 135 talsins sem komu úr þeirri vél og í dag voru komnir 45 ungar í seinni vélinni. Restin ætti svo að skila sér í kvöld og nótt og er þá útungun lokið hér á þessu ári.

 

Fyrstu ungarnir að koma.

 

Fyrstu ungarnir skriðu úr eggjunum í fyrrakvöld og eitthvað hefur þeim blessuðum legið á að komast í heiminn þar sem þetta var 18.dagurinn í útungun....alls komu 5 ungar þá og í dag eru komnir 23 ungar sem er 20.dagurinn í útungun. Aðal dagurinn er svo á morgun ,sunnudag en það er 21.dagurinn frá því eggin voru sett í aðra vélina og á þriðjudaginn kemur er 21.dagurinn síðan sett var í seinni vélina. Alls voru sett um 300 egg í þessar vélar.

Lagfæringar og breytingar standa yfir.

 

Þar sem ekki hefur enn verið tekin ákvörðun um uppbyggingu hér á Tjörn var ákveðið að fara í lagfæringar fyrir veturinn á fjárhúsunum sem hér eru og eru notuð fyrir fuglana í dag. Húsin eru björt, þurr,rúm og loftgóð en ekki nógu hlý fyrir fuglana enda ætluð í upphafi fyrir sauðfé.Þegar þau voru full af fé voru þau vel hlý en fuglarnir eru það litlir þó margir séu og mjög hátt er til lofts í húsunum og ná fuglarnir því ekki að hita mikið upp í húsinu.

Húsin voru því alltof köld fyrir fuglana og gat hitastigið farið niður í frostmark þegar kaldast var sl.vetur.Tvisvar kom það fyrir að það fraus fyrir vatn í þeim og var ég farinn að hálf kvíða fyrir komandi vetri þar sem ekkert annað hús er til staðar fyrir fuglana.Því var sú ákvörðun tekin að fara í breytingar og smá lagfæringar í húsunum fyrir veturinn og standa þær núna yfir sem hæst. Verið er að einangra húsin að innan,klæða þau að hluta sem og skipta þeim niður í hentug herbergi. Millgerðir voru teknar niður sem og allar jötur(garðar) voru fjarlægðar úr húsunum og eru þau nú einn geymur að innan. Hurð á norðuhlið hússins var lagfærð enda sú hurð notuð daglega til gegninga og var hún þétt sem og sett á hana læsing. Þá var hurð á suðurhlið húsanna lagfærð,þétt og sett læsing á hana en þessi hurð er notuð vegna fuglanna svo þeir komist út á daginn. Fjórar dyr eru framan á húsunum og snúa í vestur og hafa ekki verið notaðar í langan tíma,fyllt var uppí þær dyr fyrir veturinn með einangrun,sett yfir þykkt bygginga plast og klætt yfir þær með bárujárni og þeim því alveg lokað. Húsin voru orðin mjög óþett enda gat skafið inní þau í vissum áttum og því þörf að á gera eitthvað og lagfæra þau svo ég gæti verið rólegur með fuglana í þeim nú í vetur. Vonandi tekst þetta vel til og húsin verða bæði þéttari sem og hlýrri nú í vetur fyrir fuglana.

Þá standa einnig yfir lagfæringar á hlöðunni sem er áföst fjárhúsunum en hún var bæði óþétt,blaut og köld.Víða skóf inn í hana í vissum áttum og mynduðust oft skaflar inneftir gólfinu í henni eftir byl úr norðanáttum en innkeyrslu dyr á henni voru mjög óþettar. Búið er að þétta hurðir á henni það er hurðir þar sem gengið er úr hlöðunni í sjálf fjárhúsin sem og innkeyrsludyr á henni sem snúa í norður. Þá voru settar læsingar á útidyr á hlöðunni. Lagfærður verður suðugaflinn á henni en þar brotnuðu tvær stoðir sem og gluggi í ofsaroki sem hér gerði að SA veturinn 2009-2010. Verið er að lagfæra suðurgluggann á hlöðunni og gera hann upp og sett er plexigler í stað venjulegs glers í gluggana en þeir snúa bæði í suður og norður. Plexigler er sterkara en venjulegt gler,þolir ða svigna meira og brotnar ekki.Mikið bjartara er fyrir bragðið inní hlöðunni núna eftir að nýju gluggarnivoru settir í. Gert var við göt á járnklæðningu bæði á veggjum sem og þaki og sett nýtt járn þar sem þess þurfti. Þá var allt hreinsað út úr hlöðunni,sett trébretti meðfram veggjum og endurraðað í hana enda verður hún nú notuð sem geymsla fyrir áhöld ýmiskonar sem og fóður, ílát og fleira er notað er vegna fuglanna. Þar sem ekki hefur verið fé í þessum húsum undanfarin ár og þau farin að gegna allt öðru hlutverki nú en áður er þá ekki best að hætta að kalla þetta fjárhús og hlöðu?......:)....Hér eftir verða því þessi hús köllu "Hús Landnámshænunnar" eða í daglegu tali bara "Hænsnahúsið".

 

Frábær aðsókn á heimasíðuna.

 

Verð nú bara að segja að mér finnst frábært hvað aðsóknin á heimasíðuna virðist aukast jafnt og þétt með tímanum frá því sem var en kannski er skýringin sú að mikið hefur fjölgað í hópi þeirra sem halda og eiga hænur í dag sem og alltaf er verið að bæta við upplýsingum á síðuna handa fólki til að fræðast um Landnámshænuna og leiðbeina því vegna fuglahaldsins..Sl.áramót náðist sá áfangi að heimsóknir á síðuna urðu 20.000 talsins og nú í kvöld fór fjöldin yfir 25.000 sem er nú bara nokkuð gott þar sem enn eru eftir rúml.3 mánuðir á árinu. Það hafa því verið alls 5.000 heimsóknir og flettingar á heimasíðuna á síðustu tæplega 9 mánuðum sem ég tel bara mjög gott þegar málefnið er svona afmarkað.

 

 

Enn með fuglana í bráðabirða aðstöðu.

 

Engin ákvörðun hefur enn verið tekinn af Landbúnaðarráðuneytinu um uppbyggingu hér á Tjörn og er ég því enn með fuglana í bráðabirða aðstöðu en ég hef þá í eldri fjárhúsum sem eru hér í um 60 metra fjarlægð frá íbúðarhúsinu. Húsið er bjart, þurrt og rúmgott og fara fuglarnir úr á hverjum degi.

 

Útungun enn í gangi.

 

Sett var í tvær af nýju vélunum núna í september og koma ungar úr þeim eggjum nú um næstu mánaðarmót eða 01.- 03. október. Þetta verður síðasta útungun að sinni þar sem nú fer að kólna og mesta skemmdegið að skella á. Þetta er gert til að eiga eitthvað af fuglum fram eftir vetrinum ef einhver vill sem og að eiga eitthvað til af unghænum sem komnar eru í varp næsta vor og sumar.Sjálfur er ég ekki hrifinn af að vera með mikið á litlum ungum þegar kólna fer og orðið svona áliði haustsins.

 

Bæklingarnir tilbúnir og komnir úr prentun.

 

Kynningar bæklingarnir komu í síðustu viku úr prentun og kemur eldri bæklingurinn út núna í sama sniði og var áður það er í svokölluðu "túristabroti" sem er eins og A4 blað sem er þríbrotið saman. Bæklingnum var breitt aðeins frá því sem var,letur minnkað en þó öllu komið vel til skila,myndum fjölga og útliti aðeins breytt. Stærsta breytingin er þó sú að nú kemur kynningarbæklingurinn út á þremur tungumálum það er á íslensku,ensku og þýsku og tókst þetta allt afskaplega vel til. Nú þegar er byrjað að dreifa bæklingnum vítt um landið. Þá var ákveðið að gefa út aðra gerð af bæklingi og er hann einnig kominn hingað heim en þessi bæklingur kemur út eingöngu á íslensku og er ætlað að nota hann hér á Tjörn til gesta er kíkja hér við. Bæklingurinn er ein opna í A5 broti en með sama lit og svipaðri uppsettningu og hinn bæklingurinn er.

Bæklingurinn er hannaður af mér,myndir valdar sem og texti skrifaður af mér.Uppsettningu,stíl og undirbúning fyrir prentun sá Jónas P.Hreinsson um og voru bæklingarnir prentaðir í Litróf-Hagprent eftir tilboði í verkið.

Þýðingu á bæklingnum yfir á ensku sáu um Júlíus Már Baldursson,Jónas Pétur Hreinsson og María Róslaug Kristinsdóttir. Þýðingu á bæklingnum yfir á þýsku annaðist Gudrun Kloes atvinnuráðgjafi á Hvammstanga og er öllum sem komu að gerð,uppsettningu og þýðingu á bæklingunum færðar innilegar þakkir fyrir vel unnin störf. Sjálfum finnst mér mjög vel hafa tekist til og er virkilega ánægður með útkomuna á báðum bæklingunum.

 

Öll ílát og fl.loksins komið í hús.

 

Þá eru mest öll ílát,bæði fóður og vatnsílát, net til búragerðar,hitaskermar,perur og fl.dót er pantað var komið til landsins og komið hingað heim að Tjörn.Það er gott að þetta er komið í hús og er frá. Eitthvað smávegis er eftir og mun koma á næstu vikum. Sýningardót er að mestu komið í hús,eitthvað smávegis er þó eftir af því og von er á fánum,borðum og fl.auglýsingardóti er viðkemur Landnámshænunni nú í þessu mánuði en auglýsingar fánar og borðar eru framleidd af Fánum á Ísafirði.

 

Virkilega góð umfjöllun í Bændablaðinu.

 

Ég verð að segja það að mér fannst umfjöllunin í Bændablaðinu virkilega góð og hef ég fengið afskaplega mörg og góð viðbrögð við henni Sjálfur gerði ég mér ekki grein fyrir og vissi ekki að þetta yrði svona mikið og stórt enda heil opna í blaðinu en þetta tókst afskaplega vel til.Skemmtilegt hvernig blaðamaður Bændablaðsins fléttaði saman viðtalinu við mig,eldri fréttum frá Tjörn,fréttir af brunanum sem og ýmsu af heimasíðunni.

Mjög góð grein og virkilega vel og skemmtilega upp sett og gerð.

 

Bændablaðið í heimsókn á Tjörn.

 

Nú í júlí mánuði kom hingað fjölmiðlafulltrúi Bændablaðsins Hörður Kristjánsson ásamt konu sinni í heimsókn að Tjörn.Tekið var ítarlegt og langt viðtal við mig,farið yfir söguna um ræktunina,brunann og margt fl. Þá voru fuglarnir skoðaðir og mikið tekið af myndum af hænunum.Þetta viðtal og greinin birtist svo í nýjasta tölublaði Bændablaðsins sem kemur út núna þann 18.ágúst n.k eftir sumarleyfi.

 

Nýju vélarnar komnar og fleira dót.

 

Þá eru nýju útungunarvélarnar komnar í hús ásamt ýmsu öðru sem notað verður vegna útungunar hér á Tjörn. Komnar eru 3 nýjar vélar í viðbót við vélina sem gefinn var á sl.ári af "Súfistunum" í Hafnarfirði. Lesa má um þann hóp undir tenglinum "stuðningaðilar" á heimasíðunni. Þessar vélar eru frá Brinsea í Bretlandi eins og hefur komið fram hér áður og eru taldar þær fullkomnustu og bestu á markaðinum í dag. Þær eru algjörlega sjálfvirkar bæði með snúning á eggjunum,raka og hitastig og eru tölvustýrðar.Ef eitthvað kemur uppá eins og t.d.ef hiti eða raki breytist af einhverju ástæðum þá láta þær vita af því með hljóðmerki og eins ef rafmagn fer af þá tekur varastöð við sem heldur vélunum gangandi í allt að 12 tima.Hver vél um sig tekur 200 egg í einu og fylgja þeim sérstakir útungunarbakkar með loki. Þá er einnig komið eggjalýsingarljós til að gegnumlýsa eggin á fyrstu dögum útungunar og sjá hvort eggin eru komin af stað ( að það sé líf í þeim) og er þetta ljós það nýjasta og besta á markaðinum í dag. Ljósinu er einfaldlega rennt yfir eggin í vélinni og það lýsir einnig í gegnum mjög dökk egg. Mikil bót og framfór frá fyrri ljósum sem voru til þar sem taka þurfti hvert egg fyrir sig útúr vélunum og gegnumlýsa þau þannig með þeim.Bæði kólnuðu eggin við þetta sem og vélin kólnaði niður á með verkið fór fram.....nú er hvort tveggja úr sögunni. Mikið fljótlegra og miklu minni vinna núna með þessu nýja ljósi. Þá eru einnig komin uppeldisbúr fyrir smáunga,borð undir þau og net í búrin. Búrin eru fislétt úr áli og sett saman hér heima með sérstökum prófílum.Borðin eru einnig úr áli,fislétt og á hjólum svo auðvelt verður að renna þeim í burtu og setja í geymslu þegar engir smáungar eru undir hitaperum og nota plássið í annað t.d. yfir veturinn þegar útungun er ekki í gangi. Þá verða notaðar svokallaðar "keramik perur í stað "infrarauðu" hitaperanna en kermikperurnar eru 60-75 w í stað 150 w eins og rauðu perurnar eru.Keramik perurnar eyða því mun minna rafmagni,hita aðeins upp en lýsa ekkert og það er engin eldhætta af þeim þó þær detti niður af slysni eins og er af rauðu perunum enda eru þær meira en helmingi heitari en kermikperurnar. Þar sem þessar perur gefa ekkert ljós frá sér en aðeins hita er hægt að nota venjulegar sparperur í staðinn hjá smáungunum og því er auðveldara að sá hvernig þeir eru á litinn en áður þar sem rauða ljósið blekki og sýndi eki rétta liti. Fólk sem nú kemur heim að skoða getur því séð ungana í réttu ljósi ( birtu) og þá séð rétta liti á þeim sem ekki var hægt áður vegna rauða ljóssins sem kom frá hitaperunum.

Þessar keramikperur voru sérpantaðar erlendis frá.

 

 

Ný slóð á heimasíðuna og nýtt tölvupóstfang.

 

Tekin hefur verið í notkun ný slóð á heimasíðuna en eldri slóð er samtengd og því virk líka. Nýja slóðin er www.landnamshaenan.is og tölvupóstfangið er landnamshaenan@landnamshaenan.is Eldra tölvupóstfang er áfram virkt en meiningin er að aðskilja einkapóst og póst um landnámshænuna með þessu þar sem svo mikill póstur berst orðið vegna fuglanna.Þetta er gert til þess að auðvelda mér að halda utan um þetta,flokka póstinn og flýta fyrir svörun.Framvegis verður því landnámshaenan@landnamshaenan.isfyrir landnámshænuna en juliusb@simnet.is fyrir mig persónulega.Vonandi gefst þessi breyting vel og reynist okkur öllum betri í framtíðinni.

Ath. að þeir sem slá inn eldri slóðina á heimasíðuna flytjast sjálfkrafa inná hana þar sem báðar slóðirnar eru samtengdar. Þeir sem senda póst á eldra póstfangið juliusb@simnet.isverða heldur ekki varir við breytingarnar þar sem allur póstur síast núna sjálfkrafa.....póstur vegna landnámshænunnar fer sjálfkrafa inná landnamshaenan@landnamshaenan.is en einkapóstur til mín (persónulegur póstur) fer inná juliusb@simnet.is Best er þó að venja sig sem fyrst á að nota nýju slóðina sem og aðskilja póstföngin.

 

Ný búr og borð.

 

Efnið í ný búr undir smáunga sem og færanleg borð á hjólum er væntalegt nú fyrir helgina.Efnið er keypt hjá Ferrozink í Hafnarfirði og eru bæði búr og borð hönnuð af mér sjálfum. Þessi búr og borð eru úr áli,afar létt og meðfærileg og hægt að renna þeim í burtu þegar þau eru ekki í notkun og setja í geymslu. Þetta er t.d. afar þægilegt yfir vetrar mánuðina þegar útungun er ekki í gangi og losar þetta um pláss sem hægt er að nota undir annað sem annars væri upptekið undir borðin og búrin.

 

Nýju vélarnar komnar til landsins.

 

Nýju útungunarvélarnar eru komnar til landsins og ættu að vera komnar hingað heim að Tjörn eftir helgina ef allt gengur eftir. Þetta eru alsjálfvirkar vélar frá bresku fyrirtæki sem heitir Brinsea og eru taldar þær bestu á markaðinum í dag. Hver vél tekur um 200 egg og verða þær 4 talsins sem hingað munu koma. Vélarnar eru alsjálfvirkar eins og áður sagði,snúa eggjunum sjálfar eftir fyrirfram stilltum tíma,hægt er á ráða hversu oft þær snúa eggjunum á sólarhring og þær sjá alveg um rakastigið sem er stillt inná þær og er breytanlegt eftir því sem við á.Þá er hitastigið stillt inná vélarnar og halda þær því alveg óbreyttu allan útungunartímann. Þá láta vélarnar vita með hljóðmerki ef ekki er allt í lagi og ekki er allt eins þær eru stilltar inná, það er bæði hita og rakastig ásamt snúningi. Vélarnar eru sem sagt alsjálfvirkar,mjög fullkomnar og tölvustýrðar enda mjög nákvæmar.

Vélarnar voru pantaðar fyrir mig af Ísbú en það fyrirtæki er að auka mjög við úrval sitt af vörum fyrir hænsni eins og t.d. fóður,lífrænt fóður,fóður og vatnsílát,merkihringi,bætiefni,tilbúna kofa fyrir 3-8 fugla og margt fl.

Ísbú er eina fyrirtækið sem mér er kunnugt um sem er með lífrænt ræktað fóður fyrir fuglana. Endilega kíkið á heimasíðuna hjá þeim en slóðin á hana er www.isbu.is og tölvupóstfangið erisbu@isbu.is

 

Bæklingurinn í prentun.

 

Þá er bæklingurinn farinn í prentun og kemur vonandi út í næstu viku. Hann er frábrugðin eldri bækling sem til var en minna lesmál,fleiri myndir og önnur uppsettning er á þeim nýja. Þá kemur bæklingurinn út á þremur tungumálum í stað eins áður en það er á íslensku,ensku og þýsku og kemur hann þvi mun fleirum að gangni og notum nú en áður.

 

Tölvupóstfang komið í lag aftur.

 

Vegna mistaka hjá símanum var lokað fyrir aðgang á tölvupóstfangið juliusb@simnet.is sl.miðvikudag nákvæmlega kl.15.05 eins og fram kemur hjá Símanum.Þetta varð til þess að allur póstur sem sendur var til mín fór til baka og sá ég hann því aldrei og ég gat heldur ekki sent póst.Beðist er velvirðingar á þessum mistökum þó ekki séu þau min og er fólk sem reyndi að senda póst hingað frá miðjum miðvikudegi vinsamlegast beðið um að senda nýjan póst ef það þarf á að halda.Það er mjög bagalegt þegar svona gerist þar sem mikil samskipti fara einmitt á milli mín og fólks í gegnum tölvupóstinn vegna fuglanna og fl.

 

Ungar að skríða úr eggjum

 

Þá eru komnir rúml.200 ungar úr eggjunum sem sett voru í vélarnar fyrir þremur vikum síðan en útungun á að klárast á morgun (sunnudag) Það er gaman að fylgjast með þessum litlu hnoðrum og sjá hvað þeir eru duglegir.

 

Mikill gestagangur

 

Mjög mikill gestagangur hefur verið hér á Tjörn síðustu 4 daga. Fólk hefur komið víða af á landinu til þess að skoða fuglana,ungana og fræðast og margir verslað egg í leiðinni.Mér finnst þetta virkilega skemmtilegt og gefandi þegar fólk sýnir þessu svona mikinn áhuga. Alls hafa komið hingað 33 hópar sem hafa verið allt frá 3ja manna og uppí 11 manna stórir. Flest allt fjölskyldur sem eru á ferðinni í sumarfríi og eru að fara Vatnsnesið í fyrsta sinn. Það vekur líka athygli og í leiðinni upp spurningu hvað margir vita ekki að það er hægt að fara hringinn í kringum nesið. Kannski eitthvað fyrir Sveitastjórnina og ferðaþjónustuaðilana að taka sig saman um fyrir næsta ár og auglýsa sérstaklega?

 

Rafmagnslaust frá 00-06.

 

Rafmagn var tekið af hér á svæðinu í síðustu viku vegna viðhalds og breytinga í spennistöð í Hrútafirði og varði það frá miðnætti til kl.6 um morguninn. Þetta var tilkynnt á Feyki sem og á Norðanátt en ekki með símhringingu eins og hefur verið.Það var svo fyrir einskæra tilviljun sem ég sá þetta og það var líka eins gott þar sem ég var með vikugamla unga undir hitaperum og rúml. 300 egg í vélum. Þetta hefði annars allt drepist um nóttina vegna kulda. Þá var það einstök heppni að ég var nýbúinn að kaupa mér bensín rafstöð í stað þeirrar sem ég missti í brunanum hér á sl.ári sem og bensín á brúsa keypti ég í síðust suðurferð sem var bara tveimur dögum áður og gat ég því tengt og sett í gang þessa rafstöð um kvöldið áður en rafmangið fór af. Slemmbi lukka hvernig allt atvikaðist vegna þessa.....að kaupa rafstöðina og bensín bara rétt áður en þetta varð.

 

Heimasíðan vinsæl.

 

Það er gaman að sjá hversu miklar heimsóknir og flettingar eru á heimasíðunni og vonandi skilar hún því sem henni er ætlað að gera,að fræða fólk og leiðbeina um ýmislegt er varðar Landnámshænuna.Í dag 24.júlí eru heimsóknir á síðuna orðnar rúmlega 23.700 talsins sem má nú teljast all gott á rétt tæplega 5 árum.

 

Góð umfjöllun í Landanum.

 

Jæja þá er umfjöllun í Landanum um Landnámshænuna á Tjörn lokið og er ég bara mjög vel sáttur við útkomuna. Vel sett saman og skemmtilega sett upp enda mikið og gott fagfólk þarna á ferð. Vonandi höfðu þeir sem á horfðu bæði gagn og gaman af þessari umfjöllun sem og þættinum öllum enda skemmtilegir og fræðandi þættir um það sem er að gerast vítt og breitt um landið.

 

Sýningin á Hrafnagili fellur niður.

 

Svo leiðinlega hefur tekist til að sýningin á Landnámshænunni í samstarfi við Handverkssýninguna að Hrafnagili fellur niður í ár vegna sérstakra ástæðna. Búið er að auglýsa þessa sýningu á baksíðu nýja blaðsins sem kom út fyrir tveimur vikum eða svo og blaðið er komið vítt og breitt um landið í dreyfingu með stórri auglýsingu um þessa sýningu.

Fleiri egg sett í vélar.

 

Sett voru til viðbótar 300 egg í útungunarvélar þann 15.júlí s.l.eftir að þær losnuðu frá síðustu útungun og von er á ungum úr þeim eggjum þann 04-05.ágúst n.k. Þeir ungar ættu svo að vera kyngreindir í lok september eða byrjun október og tilbúnir til að fara á ný heimili.

 

Landnámshænan á Tjörn í Landanum.

 

Jæja þá er komið að því.Umfjöllun um Landnámshænuna á Tjörn verður í þættinum Landanum næstkomandi sunnudagskvöld eða þann 17.júlí. Fyrir nokkrum vikum síðan kom hingað úrvals fólk á vegum þáttarins,tók mikið af myndum,viðtal við mig og fræddist um ræktunina,söguna og fl.er viðkemur Landnámshænunni á Tjörn sem og Landnámshænunni almennt.Munum eftir Landanum næsta sunnudagskvöld.

 

Mikill gestagangur og heimsóknir.

 

Mjög miklar heimsóknir hafa verið það sem af er sumri hingað að Tjörn. Fólk rennir mikið hingað heim til að skoða og spyrja og fræðast um fuglana og margir eru að íhuga að koma sér upp litlum kofa og fá sér nokkrar hænur til gagns og gamans.Mér finnst þessi áhuga vera að aukast mjög mikið undanfarin ár og er það vel. Þá er einnig mikið spurt eftir unghænum sem komnar eru að eða í varp sem og búnað og aðstöðu fyrir fuglana.

 

Sýningardót endurnýjað.

 

Nýtt sýningardót og auglýsingavörur vegna Landnámshænunnar,borðar og fánar með vísan til Landnámshænunnar á Tjörn,merki hennar(LOGO),borðfánar og bílafánar,íslenski fáninn,sýningarbúr undir unga og marg fl.hefur nú verið pantað og von er á þessum vörum og dóti nú á næstu vikum. Þá hefur verið keypt flutningskerra fyrir útbúnað,sýningardót og fugla vegna sýninga en eins og flestum er örugglega kunnugt um þá eyðilagðist allt er viðkom Landnámshænunni í brunanum sem varð hér á sl.ári og þurfti því að endurpanta allt sem sýningum tilheyrir og notað var á þeim.

 

Ný búr,nýjar vélar og fl.

 

Búið er að panta 4 nýjar útungunarvélar frá Brinsea í Bretlandi og von er á þeim til landsins á næstu vikum .Þetta eru alsjálfvirkar vélar sem taka 194 egg hver vél,sjá sjálfar um snúning á eggjum,hita og rakastigi enda tölvustýrðar(digital).Sérstakt öryggi er á vélunum sem lætur vita með hljóðmerki ef ekki er allt í lagi og þykja þessar vél með þeim fullkomnustu á markaðinum í dag. Þá er verið að smíða ný borð og búr fyrir unga í uppeldi og búið er að panta ílát sem uppá vantar og þarf til rekstursins en mikið af ílátum er þegar komið í hús og eru komin í notkun.

 

Nýir bæklingar.

 

Þá fer nú að líta dagsins ljós nýr kynningarbæklingur vegna Landnámshænunnar.Þessi bæklingur verður í svokölluðu "túristabroti" eins og sá fyrri en örlítið breyttur.Texti var breyttur og minnkaður og settar inn nýjar og fl.myndir.Sú breyting verður einnig á úgáfu bæklingsins að nú kemur hann út á þremur tungumálum í stað eins áður.Það er á íslensku.ensku og þýsku og verður honum dreift um allt land á svipaða staði og blaðinu er dreift á.Eldra upplag af bæklingnum skemmdist í brunanum sl.ár og var því kominn tími á endurútgáfu. Þá kemur einnig út önnur gerð af bæklingi um Landnámshænuna en hann verður ein opna í A5 stærð og kemur sá bæklingur eingöngu út á íslensku.Þeim bæklingi er ætlað að kynna sérstaklega Tjörn,ræktunina,staðsettninguna og Landnámshænuna á bænum,aðbúnað hennar,aðstæður og líf almennt.

 

Ungar skriðnir úr eggjum.

 

Jæja þá skriðu ungar úr eggjum dagana 10 og 11 júlí og eru nú komnir 310 ungar undir hitaperur.Það er alltaf gaman að fylgjast með þessum litlu fallegu hnoðrum takast á við lífið og sjá hvað þeir eru sprækir og duglegir.Þessir ungar fara nú í uppeldi og verða kyngreindir í byrjun september og þá tilbúnir að fara á ný heimili.

 

Nýja blaðið er komið út.

 

Þá hefur nýtt tölublað litið dagsins ljós og er farið í dreifingu víða um land.Blaðið er sent í pósti til félagsmanna og dreift frítt á hina ýmsu staði vítt og breitt um landið.Hægt er að nálgast blaðið á helstu bensínstöðvum sem og Upplýsingamiðstöðvum fyrir ferðamenn (Turist information) og víða.

 

Nýtt blað að koma út.

 

Mikil vinna hefur verið undanfarið við að afla gagna og skrifa greinar fyrir Landnámshænsnablaðið 2011 sem er væntanlegt nú í byrjun júlí. Blaðið verður stútfullt af skemmtilegu efni og fræðandi greinum og verður sent frítt heim til skuldlausra félagsmanna. Þeir sem enn eiga eftir að greiða árgjaldið sitt sem er 2.500 kr eru minntir á að gera það sem fyrst. Ef einhver er ekki öruggur með hvort hann sé búinn að greiða gjaldið er hægt á fá upplýisngar um það hjá gjaldkera félagsins.

 

Egg sett í vélar.

 

Ekki þýðir að láta deigan síga þrátt fyrir hægagang og óhöpp.Mikil fyrir og eftirspurn hefur verið eftir ungum og fullorðnum fuglum í ár og eykst þetta stöðugt sem er bara af hinu góða. Sett voru 400 egg í vélar í fyrradag og koma ungar úr þeim eggjum 10-11 júlí n.k.Þessir ungar verða því tilbúnir og kyngreindir í byrjun september. Ef einhverjir eru að huga að því að fá sér fugla fyrir haustið þá er gott að hafa samband sem fyrst og leggja inn pantanir.

 

Landinn heimsækir Landnámhænuna á Tjörn.

 

Fyrir stuttu síðan kom hingað fólk á vegum þáttarins Landinn sem sýndur ér á RÚV á sunnudagskvöldum og tók hér myndir af Landnámshænunni og viðtal við mig. Áætlað er að þetta verði sýnt í lok júní eða byrjun júlí en ég mun láta inn tilkynningu um hvenær það verður þegar málin skýrast betur.

 

Niðurstöður komnar úr rannsókninni.

 

Þá eru niðurstöður komnar úr rannsókninni á erfðafræði íslensku Landnámhænunnar og má bæði lesa niðurstöður hennar í nýjasta Bændablaðinu, á heimasíðu félagsins www.haena.is sem og hér að neðan.

 

Fyrstu niðurstöður erfðarannsóknar á íslenska hænsnastofninum

Erfðaauðlindir fara óðum þverrandi og rannsóknir undanfarinna ára sýna að helstu stofnar húsdýra eru margir úr sér gengnir hvað varðar erfðafjölbreytileika. Um er að ræða varhugaverða þróun (1,2) sem íslenski hænsnastofninn hefur ekki farið varhluta af en hann telur í dag aðeins um 3000-4000 fugla. Rannsóknir sem fram hafa farið á íslensku búfé hafa undirstrikað sérstöðu íslensku stofnanna og sýnt að þeir geta geymt áhugaverðan breytileika þrátt fyrir takmarkaða stofnstærð (3,4) og má því vel vera að íslenski hænsnastofninn geti orðið uppspretta einstakra genasamsæta sem nýta megi við kynbætur.

 

Árið 2006 hóf MATÍS prófanir á erfðamörkum á sýnum úr íslenska hænsnastofninum og í framhaldinu hófst samstarf MATÍS og Landbúnaðarháskóla Íslands með það að markmiði að greina stofn íslensku landnámshænunnar með tilliti til erfðafjölbreytileika og stofngerðar. Íslenskir hænsnaræktendur brugðust sérstaklega vel við og söfnuðust mun fleiri sýni en reyndist unnt að greina í fyrstu atrennu. Niðurstöður verða hér aðeins kynntar að litlum hluta en þeim eru gerð ítarlegri skil í nýlegri BS ritgerð frá Landbúnaðaháskóla Íslands sem nálgast má á heimasíðu skólans.

 

Eitt af þeim atriðum sem mikilvægt er að hafa í huga þegar unnið er að verndaráætlun stofns er að stofngerð sé vel skilgreind svo tryggja megi að leyndir undirstofnar fái nauðsynlega athygli og tapist ekki óafvitandi. Með arfgerðargreiningu má bera kennsl á stofna af þessu tagi og benda niðurstöður arfgerðargreiningar til þess að slíkur stofn fyrirfinnist innan íslenska hænsnastofnsins. Á meðfylgjandi mynd, sem sýnir meginhlutagreiningu á erfðafjarlægð milli einstaklinga innan íslenska stofnsins, má sjá að nokkur sýni skera sig greinilega frá megin hluta sýnasafnsins. Þegar betur er að gáð koma öll nema eitt af þessum sýnum (grænt á Mynd 1A) frá einum og sama ræktandanum.

 

Þegar stofnar í stað einstakra sýna eru greindir með þessum sama hætti sést að þessi hópur sker sig frá megin hópnum með skýrum hætti (Mynd 1B). Þetta bendir til þess að nauðsynlegt sé að huga að tveimur stofnum við gerð verndaráætlunar fyrir íslenska hænsnastofninn í stað eins áður.

Nýverið fékkst vilyrði frá Náttúruverndarsjóði Pálma Jónssonar fyrir styrk til áframhaldi rannsókna á íslenska landnámshænsnastofninum og eru næstu skref meðal annars þau að afla fleiri sýna af fuglum sem telja má að tilheyri áður nefndum undirstofni auk þess að afla fleiri sýna úr erlendum stofnum til samanburðar við íslensku sýnin.

Jón Hallsteinn Hallsson ( jonhal@lbhi.is). Erfðafræðingur við Landbúnaðarháskóla Íslands.

Heimildaskrá:

 

1. Meuwissen T. Genetic management of small populations: A review. Acta Agriculturae Scandinavica Section a-Animal Science. 2009;59(2):71-79.

 

2.  Muir WM, Wong GKS, Zhang Y, Wang J, Groenen MAM, Crooijmans RPMA, et al. Genome-wide assessment of worldwide chicken SNP genetic diversity indicates significant absence of rare alleles in commercial breeds. Proceedings of the National Academy of Sciences of the United States of America. 2008;105(45):17312-17317.

 

3.  Kantanen J, Olsaker I, Holm LE, Lien S, Vilkki J, Brusgaard K, et al. Genetic diversity and population structure of 20 North European cattle breeds. Journal of Heredity. 2000;91(6):446-457.

 

4.  Tapio M, Tapio I, Grislis Z, Holm LE, Jeppsson S, Kantanen J, et al. Native breeds demonstrate high contributions to the molecular variation in northern European sheep. Molecular Ecology. 2005;14(13):3951-3963.

 

Það er þá allavega gott að sjá eitthvað um þessi mál enda lengi verið rætt um þau og hjá mörgum hálfgert hitamál. En samkvæmt þessari rannsókn kom ekkert fram sem benti til þess að fuglar með vangabrúska eða fiður á leggjum séu meiri blendingar en hinir fuglarnir sem eru fiðurlausir á leggjum eða fótum,kannski þetta sé bara fjölbreytileikinn í íslensku Landnámshænunni eða hvað? En þetta þarf auðvitað að skoða og rannsaka betur.

 

Verum sem flest með.........

 

Í sumar hefst verkefni á vegum Landbúnaðarháskóla Íslands og Erfðalindaseturs LbhÍ sem miðar að því að kortleggja dreifingu íslensku landnámshænunnar og annarra minni hænsnastofna. Í kjölfarið verður safnað upplýsingum um helstu útlitseinkenni sem finnast í hænsnastofnum hérlendis.

Skráð verða útlitseinkenni svo sem litur, kambgerð, fjaðrir á fótum, sem og stærð eggja, lögun og litur. Lögð verður áhersla á einkenni sem tengjast fiðruðum fótum en skiptar skoðanir eru meðal ræktenda um hvað telja má upprunalegt í þeim efnum. Auk þess verður safnað upplýsingum um varp, frjósemi í útungun og vanhöld á ungum.

 

Verkefni þetta er hluti af stærri rannsókn á stofni íslensku landnámshænunnar sem hófst árið 2009 og miðar að því að lýsa stofninum og stuðla þannig að áframhaldandi varðveislu hans. Í fyrstu verður lögð áhersla á upplýsingar um fjölda eigenda, fjölda hænsna á hverjum stað og hænsnakyn. Eftir að þær upplýsingar liggja fyrir verður haft samband við eigendur varðandi lýsingu á útlitseinkennum. Hænsnaeigendur eru hvattir til að taka þátt, óháð fjölda hænsna og því hvaða hænsnakyn þeir halda. Áhugasamir eru vinsamlegast beðnir að hafa samband við Birnu Kristínu Baldursdóttur sem halda mun utan um gagnasöfnun ( birna@lbhi.is eða í síma 433-5081).

 

 

 

Kalt vor og ekkert sumar.

 

Það er hægt að segja að vorið hafi verið bæði langt og kalt hér norðanlands allavega.Tíðin var má segja frekar leiðinleg hér um slóðir strax á nýju ári og skiptust á hvassviðri og stormar af sv eða na allt fram í byrjun maí þegar hann festist í na áttinni með tilheyrandi kuldum að venju.Hér er ýmist alskýjað,þoka eða sól en alltaf strekkings vindur og hitinn er svona 5-8 gráður að deginum en 2-3 á næturnar og fer niður í núllið sumar nætur.Langt og kalt vor og ekkert sumar komið enn.Úthagar eru heiðgulir og lítt grónir og tún rétt orðin græn....brum að springa út á trjám um þessar mundir. Ekki veit ég hvað veðurguðinn hefur tekið inn en það virðist virka vel á hann allavega:) kolruglaður:)

 

28.mars 2011.


Þá árið er liðið.


Já þó ótrúlegt sé þá var liðið heilt ár nú sl. nótt síðan bruninn varð hér á Tjörn.Alveg magnað hvað tíminn líður hratt. Margt hefur að sjálfsögðu verið gert á þessu ári en margt er eftir enn. Hér er að sjálfsögðu búið að hreinsa allt,setja möl yfir og búa til plan þar sem húsin stóðu áður. Búið er að byggja upp tengibygginguna sem  var á milli útihúsa og íbúðarhúss og er henni lokið bæði að utan og innan. Þá er búið að gera við þak og herbergi uppi í risi á íbúðarhúsinu sem skemmdust í eldsvoðanum.Þó er margt eftir enn og gengur fremur hægt.

 

Búið er að skipta um rafmagn,setja nýjar rafmagns töflur en rafmagninu var skipt upp núna og er sér tafla fyrir íbúðarhúsið  og sér tafla í fjárhúsunum sem ekki var áður.Mælar voru fjarlægðir og settir í sér kassa utan  á húsið og er nú þar svokallaður „digitalmælir“ sem auðvelt er að lesa af. Eftir að er lagfæra ýmislegt innanhúss eins og t.d. klára að mála enda mikið verk í stóru húsi sem og skipta um gólfefni og innréttingu í eldhúsi.Þá er eftir að laga til og breyta í fjárhúsunum en þar eru nú fuglarnir til bráðabirða.Stofninn er orðinn 230 hænur og 30 hanar og er því orðinn jafnstór og hann var fyrir brunann.

 

En það er margt eftir enn eins og áður sagði. Búið er að reisa hér vélageymslu og er hún kominn upp og búið að klára hana að utan en eftir er að steypa gólf,leggja rafmagn sem og einangra hana og klæða að innan. Góðir hlutir gerast hægt er ekki sagt svo? Þá er einnig  margt eftir hér fyrir utan þar sem girðingar,skjólveggir,bekkir,borð og fl sem í garðinum var brann allt eða eyðilagðist í brunanum. Svo ekki sé talað um allar skemmdir á gróðrinum hér við bæinn.Fjölær blóm í tugatali,tjörn og gosbrunnur,bekkir og borð í garðinum sem og mikið magn af trjám fóru forgörðum þessa nótt og bíður betri tíma til lagfæringar og gróðursetningar. Það er mikið búið hér en það er einnig mikið eftir að gera eftir svona  atburð og tekur tíma að koma öllu í svipað horf og var.

 

Nú svo þarfað fara að huga að kaupum á búnaði,tækjum og tólum en hér er nú má segja kominn aftur sá timi er tíðkaðist fyrir um öld síðan í landbúnaðinum, engin tæki,engin tól.....hér er notast við handverkfæri og hjólbörur í dag þar sem allt brann er var í vélageymslu og bílskúr.Línur um framhald fara svo vonandi að skýrast fljótlega um hvað verður og hvað verður gert.


Enn og aftur vil ég senda ykkur öllum sem hafið haft samband vegna brunans og veitt styrk og stuðning innilega þakkir fyrir allt. Þetta hefur verið mér ómetanlegt að heyra frá ykkur öllum og verður seint full þakkað.

 

 

Búið að setja inná nýja tengilinn.

 

Upplýsingar eru komnar inná nýja tengilinn " Viltu leigja" skoðið hann og vitið hvort þetta er eitthvað sem hentar ykkur eða einhverjum í fjölskyldunni.

 

Búið að bæta við heimasíðuna.

 

Margt nýtt er komið á heimasíðuna.Fólk tekur eftir að meiri upplýsingar eru komnar inná forsíðuna og henni hefur verið skipt meira upp í kafla sem gerir hana aðgengilegri og þægilegri.Þá eru nýjar upplýsingar konar inná tenglana "Heilsufar og sjúkdómar" sem og á tengilinn "opið heim","Á döfinni" og á tengilinn "styrktaraðilar". Endilega kíkið á tenglana.

 

Nýr tengill.

 

Eins og sjá má vinstra megin á heimasíðunni er kominn nýr tengill inná hana og verður hann opnaður eftir nokkra daga. Þá kemur í ljós hvað er í boði þar en margt nýtt og skemmtilegt er á döfinni vegna Landnámshænunnar og verður það kynnt hér á síðunni á næstu vikum og mánuðum..

 

Leiðinlegt tíðarfar.

 

Afskaplega leiðinlegt tíðarfar hefur verið hér um langt skeið.Stöðugir stormar ýmist að sunnan eða norðan,mikill skafrenningur,frosthörkur og mikil ofankoma.Mikið hefur hlaðist upp af sköflum og fuglarnir hafa ekkert komist út í rúml.3 vikur.Vonandi fer þessu nú að slota sem fyrst og veðrið að mildast.

 

Mikil aðsókn á síðuna.

 

Það hefur glatt mig mjög hversu aðsóknin á síðuna hefur aukist mikið.Um áramótin síðustu náðist að fá 20 þúsund heimsóknir(flettingar) á síðuna en í dag, aðeins þremur mánuðum seinna eru flettingar orðnar rúml.21200 talsins eða um 300 flettingar á mánuði að meðaltali.Takk fyrir þetta.

 

Byggingunni lokið að utan.

 

Þá er verkfærageymslunni að mestu lokið að utan eftir er að ganga frá henni að innan, það er að steypa gólfið,leggja rafmagn,einangra veggi og klæða að innan.Stóru tvöföldu dyrnar voru setta í nú í gær.

 

Margt nýtt á síðunni.

 

Búið er að uppfæra og bæta við ýmsu til fróðleiks á síðunni og má þar t.d. nefna undir tenglinu "Heilsufar og sjúkdómar" skoðið þetta og vonandi getur þetta komið einhverjum að góðum notum.Fleira nýtt er svo a´leiðinni á næstu vikum.

 

Og enn fjölgar í hópnum.

 

Jæja þá bættust við 40 fallegar hænur í hópinn nú um mánaðarmótin. Þessar "skvísur" byrjuð að verpa í janúar og setti ég þær saman við hinar hænurnar sem fyrir voru nú um mánaðarmótin síðustu (jan/feb.) Fallegar unghænur og litadýrðin mikil í þeim. Þær eru þá orðnar um 170 talsins sem komnar eru saman núna og síðasta hollið sem telur rúml.40 fugla kemur inn í mars n.k. Það eru farin að koma eitt og eitt ungaegg þar þessa dagana og set ég þær á varpfóður um næstu mánaðarmót til að venja þær við áður en alvara lífsins tekur við hjá þéim.

 

Miklir umhleypingar.

 

Mikið hefur verið um umhleypinga í veðrinu síðan fyrir jól. Skiptast hér á norðlægar og suðlægar áttir ýmist með þíðu eða frosti og snjókomu eða rigningu á milli og fylgja þessu stöðugir stormar.Algengt hefur verið að vindurinn hafi farið í um eða yfir 20 metrar á sek.hér ýmist af suðlægum eða norðlægum áttum og skaflarnir hafa verið mannhæða háir í og við húsin.Svo þiðnar og allt tekur upp,lignir einn dag eða bara part úr degi og ballið byrjar á nýjan leik.Maður getur svo sem litið á björtu hliðarnar á þessu þar sem snjórinn og skaflarnir eru þá alltaf nýir og ferskir eða hvað:) En án gríns ,svona stöðugt risjótt tíð er þreytandi til lengdar og fer illa með t.d. skepnur sem ganga úti. En hvenær er maður svo sem ánægður með veðrið hér á landi?......:)Man t.d. ekki eftir svona miklum umhleypingum og stormum í veðrinu hér síðan ég kom hingað að Tjörn eins verið hefur það sem af er vetri.

 

Enn hækkar fóðrið.

 

Þá er búið að boða eina hækkunina enn á fóðrinu og búist er við að það muni hækka meira á næstunni. Hækkanir eru núna vegna þess hver korn hefur hækkað í verði á heimsmarkaði og er það meðal annars vegna skógaeldanna og uppskerubrests í Rússlandi sl.sumar. Þá er búist við að korn muni hækka meira í vor vegna uppskerubrest útaf flóðunum í Ástralíu nú um daginn.

 

Ný verðskrá komin.

 

Allt hækkar nema launin.

 

Rafmagn og fóður hefur hækkað mikið á sl.ári sem og allar vörur má segja,bæði vörur sem notaðar eru vegna fuglanna og allt til heimilisins. Fólk fer að finna meira fyrir þessu þegar líða fer á. Fóður hækkaði t.d. 4 sinnum og rafmagn annað eins bara á árinu 2010 og í byrjun þessa árs 2011. Ílát hafa hækkað líka vegna gengis krónunnar og mér rennur sterklega í grun að fyrirtækin hækka álögur sínar líka í leiðinni og þá á ég við flest öll fyrirtæki. Eins og venjulega á þessu landi skila hækkanir sér strax til okkar en það getur orðið löng bið eftir lækkunum. Þess vegna þarf núna að hækka verð á fuglum sem og eggjum en þeirri hækkun er stillt eins mikið í hóf og hægt er að komast af með. Það má samt segja að þessi litla hækkun dugar varla til vegna hversu dýrt er orðið að framleiða og ala upp hvern fugl.

Ný verðskrá er því birt undir tenglinum Sala og Verð og gildir út árið 2011.

 

Það tókst !

 

Já það tókst að ná 20 þúsund gestum á síðuna fyrir áramótin. Um kl 22 á Gamlaárskvöld voru heimsóknirnar orðnar 20.014 talsins og í dag 09.janúar eru þær komnar í samtals 20.154.Sem sýnir það að alls hafa komið 140 manns og skoðað eða heimsótt síðuna á fyrstu 9 dögum á þessu ári.Þetta finnst mér bara vera mikill áfangi útaf fyrir sig og í rauninni frábært að sjá hvað síðan er orðin vinsæl.Vonadi kemur hún sem flestum er halda eða hafa áhuga á fuglunum að sem mestu gagni. Takk kærlega fyrir að vera svo dugleg að kíkja inn.

 

 

Stefnir í 20 þúsundasta gestinn.

 

Verð nú að segja það að mér finnst það alveg frábært hvað fólk er duglegt að kíkja inn á heimasíðuna og vonandi kemur hún einhverjum að góðu gagni með þeim upplýsingum sem þar er að finna því nú stefnir í að 20.0000 gesturinn komi hér inn fyrir áramótin. Þetta er mjög góður árangur finnst mér bæði þar sem heimasíðan er ekki svo gömul og eins að það er ekki svo stór hópur sem hefur áhuga á þessu málefni,það er að segja ekki svo stór hópur meina ég á landsvísu enda skiptum við ekki þúsundum sem höfum áhuga á íslensku Landnámshænunni heldur erum við ekki nema nokkur hundruð talsins miðað við hænsnaeigendur og velunnara sem vitað er um.

Allavega frábær árangur finnst mér og takk kærlega fyrir þið öll sem hingað kíkið inn.

 

Árinu 2010 að ljúka.

 

Já tíminn líður hratt má segja og árið að verða búið. Án þess að vera að nokkru væli segi ég það bara í fullri hreinskilni að ég er að sumu eða flestu leiti fegin að þessu ári sé brátt lokið og tek mér orð Betu gömlu Bretadrottningar í munn þegar hún sagði um áramótin 1996-97 "anno horrible"árið sem Díana lést. Þetta ár hefur verið það ömurlegasta ár í mínu lífi hingað til svo ekki sé nú meira sagt. Hvert óhappið á fætur öðru sem og veikindi en uppúr stendur að sjálfsögðu sá hörmulegi atburður er varð hér þann 28.mars sl.vetur þegar útihúsin hér á Tjörn brunnu til kaldra kola með öllu sem í þeim var. Ég vona svo sannarlega að slíkt eigi ég ekki eftir að upplifa aftur né nokkur annar maður. það var hreint út sagt ömurlegt að vakna upp við þetta,horfa á þetta allt fara svona og upplifa þennan atburð. það veit engin hvað er að upplifa svona nema lenda í því sjálfur og ég óska engum þess. En lífið heldur áfram og nú er bara að horfa fram á veginn og líta björtum augum til framtíðar og ég vona svo sannarlega að nýtt ár 2011 verði betra og skemmtilegra en það sem er að enda.

 

Á Þorláksmessu.

 

Nú eru unghænurnar og hænurnar komnar saman í eitt pláss sem er stórt og bjart og settar voru nýjar spænir á gólfin hjá þeim sem og í varphólfin nú fyrir jólin.Nóg pláss er því hjá hópnum,þurrt og bjart og líður þeim vel.Einnig var sett upp sérstak ílát fyrir skeljasand fyrir þær sem og plastskúffa með svörtum sandi og mold í svo þær geti baðað sig reglulega inni. Svo yfir jóladagana verður þeim gefinn smá aukabiti(korn) sem þær eru sólgnar í en það er blanda af hveiti,maís,byggi og höfrum. Maður verður aðeins að dekra við þessar elskur:)

 

01.desember og Karlinn fimmtugur.

 

Já tíminn flýgur áfram má segja og maður er víst ekki lengur 32 ára:).....(maður má þó halda í vonina). Margir hafa verið að spyrja mig um 01.desember en í dag ætla ég að taka upp á þeim ósköpum að verða FIMMTUGUR......já trúi því bara varla sjálfur ha ha ha en svona er þetta nú samt.......maður eldist víst með hverju árinu eins og aðrir:) Læt hér með vita af því að ég verð að heiman í dag (eins og margir aldraðir gera á svona tímamótum) og ætla mér að vera í faðmi fjölskyldunnar fyrir sunnan........sem sagt....ekkert partý,engin veisla en gaman væri að heyra frá sem flestum í tilefni dagsins.

 

Hænurnar og unghænur sameinaðar.

 

Ég hef verið að vinna í fjárhúsunum undanfarna daga og útbúa stóra aðstöðu þar svo ég geti sameinað hænurnar sem ég er með í gamla hænsnakofanum og hænurnar sem byrjuðu að verpa nú í nóvember. Jafnframt ætla ég að setja unghænurnar sem eiga að byrja varp nú í desember þarna saman við líka enda fækkar þetta ílátunum og minnkar alla vinnu með því að hafa fuglana alla á sama stað.Þessir fuglar eru allir komir á sama fóður og best að hafa þá alla á saman þegar hirt er um þá því ég get haft bæði stærri fóður og vatnsílát sem og ekki þarf að fara í 3 staði til að taka egg og hirða um fuglana. Þetta er líka stærra,bjartara og mun þægilegra í alla staði svona. Það vantar bara herslu muninn á að klára þetta og geri ég ráð fyrir að geta flutt fuglana í þessa aðstöðu fyrir eða um næstu hegi.

 

Sökklarnir steyptir í dag 30.nóvember.

 

Jæja þá voru sökklarnir steyptir í dag á nýju byggingunni og gekk það fljótt og vel fyrir sig enda valinn maður í hverju rúmi. Gert er ráð fyrir að taka utan af steypunni fyrir helgina.

 

Engin jólaljós eða útiskreytingar í ár.

 

Þetta líður svo hratt orðið að maður er að uppgötva að nú fer að nálgast aðventuna og jól eina ferðina enn.Það fer nú svo þetta árið að minnsta kosti að engin útiljós eða skreytingar verð á Tjörn í ár þar sem allt slíkt tapaðist í brunanum sl.vor.Mikið var til af fallegu útiskrauti hér, bæði stórar styttur með ljósum,gervitré sem voru úti,ljósatré sem og ljósaseríur meðfram öllum þakskeggjum og slönguljós með öllum girðingum og þökum .Svo ekki verður jólalegt útivið á Tjörn þessi jól.Það er afskaplega dýrt að endurnýja svona og verður reynt að gera það á einhverjum árum.Margt af þessu skrauti sem var til hér á Tjörn fæst svo ekki lengur og er mikill missir af því en það kemur þá kannski bara annað í staðinn.

 

Byrjað á nýrri byggingu.

 

Byrjað var að grafa fyrir nýrri byggingu hér sl.föstudag og var grunnurinn kláraður seinnipartinn á laugardag.Þá var byrjað að slá upp fyrir steypu í gær(mánudag) og vonandi líkur því að mestu í þessari viku svo hægt sé að byrja á að reisa húsið.

 

Unghænur í varp.

 

Nú eru um 40 unghænur að byrja varp hér á Tjörn og bætast þær við þessar 32 sem fyrir voru.Þá byrja um 45 unghænur varp nú í desember eða fyrir jól og verða hænurnar þá orðnar 127 um áramót ef allr gengur eftir. Ég er að setja upp stóra stíu í fjárhúsunum núna og ætla að sameina allar þessar hænur á einn stað. það er bæði betra fyrir hænurnar að vera saman og venjast og eins fyrir mig að hirða um þær á einum stað í en ekki amörgum stöðum.Þetta minnkar líka vinnuna mikið þar sem ílátum fækkar við sameininguna.

 

Aðalfundinum lokið.

 

Þá er aðalfundi félagsins lokið eitt árið enn og var dræm mæting að venju. Alls mættu einungis 22 aðilar á fundinn af rúmlega 300 félagsmönnum. Það vantar tilfinnanlega að fólk mæti betur á fundinn ef hægt er til þess að taka meiri þátt í starfi félagsins og móta líka stefnu þess er viðkemur og snýr að íslensku Landnámshænunni okkar. Gott fólk er alltaf velkomið í félagsstarfið og taka virkan þátt í því sem og það vantar alltaf fólk sem hefur áhuga á að vinna að málefnum Landnámshænunnar.Á fundinum er einmitt hægt að koma að ýmsum málefnum á framfæri sem kannski hvíla á fólki og alltaf gott að fá nýjar hugmyndir frá öðrum. Fundurinn var góður þó fámennur væri og var farið yfir ýmis mál er viðkemur ræktuninni og fuglinum meðal annars um blendinga og fl.Þá var fyrirlestur um yfirstandandi rannsókn á erfðaefni íslensku Landnámshænunnar og margt annað fræðandi.Kolbrún Júlíusdóttir frá Kolsholti lét af störfum sem ritari félagsins eftir 7 ára frábært starf og gaf ekki kost á sér til endurkjörs. Júlíus Már Baldursson að Tjörn á Vatnsnesi var kjörinn nýr ritari félagsins til næstu 3ja ára en hann hefur verið varamaður í stjórn þess frá upphafi.

 

Aðalfundur félagsins 2010.

 

Aðalfundur félagsins verður haldinn þann 06.nóvember næst komandi laugardag í Bændahöllinni 3.hæð. og hefst kl.14.00. það væri gaman að sem flestir gætu séð sér fært að mæta á fundinn og taka þátt í félagsstarfinu.

 

Íslenska Landnámshænan í Þýska sjónvarpinu.

 

Það má segja að hróður íslensku landnámshænunnar berist víða því að í byrjun vikunnar kom hér að Tjörn 5 manna hópur til þáttagerðar um hænuna og var jafnframt tekið viðtal við mig vegna þess. Þetta voru 4 þáttagerðarmenn frá Þýska Ríkissjónvarpinu að gera heimildarþátt um íslensku Landnámshænuna og var í för með þeim Arinbjörn sem er ferðaþjónustu bóndi á Brekkulæk í Miðfirði. Tekið var mikið af myndum hér sem og viðtal við mig og er meiningin að þetta verði sýnt um eða eftir næstu áramót á Rás 3 (channel 3) í þýska Ríkissjónvarpinu. Það er gaman þegar útlendingar sýna Landnámshænunni okkar áhuga og það verður jafnframt gaman og fróðlegt að sjá hverju þessi umfjöllun í Þýska sjónvarpinu skilar til okkar sem höldum Landnámshænuna.

 

Uppeldið gengur vel.

 

Nú eru 40 unghænur að byrja varp í þessum mánuði(nóvember) og um 45 unghænur bætast svo í hópinn í næsta mánuði og ættu þá að vera komnar um 120 hænur í varp hér á Tjörn um áramót ef allt gengur eftir. Í janúar bætast svo við 20 fuglar og í febrúar /mars bætast við um 80 unghænur í hópinn. Í apríl verða svo yngstu ungarnir komnir á varp en þeir eru um 40 talsins. Það stefnir því í að fjöldin sem á að vera hér verður kominn og í fullt varp á næstu vordögum.

 

Búið er að kyngreina.

 

Nú er búið að kyngreina alla unga hér á bænum nema yngsta hollið og verður það gert í næstu viku.Þá ætti að vera komið í ljós hversu margir fuglar verða komnir í varp á vordögum en meiningin er að vera með rúml.200 hænur..

 

Ungarnir skriðnir úr eggjum.

Jæja þá eru allir ungar komnir úr eggjunum sem sett voru í vélarnar hér á bæ í sumar.Ekki verður ungað meira út í ár enda fer að hausta núna og skammdegið leggst yfir ásamt kólnandi veðri. Nú eru komnir um 250 ungar sem fara í uppeldi og mynda svo nýjan stofn hjá mér í framtíðinni.Þessum ungum á eftir að fækka eitthvað þegar kyngreint verður en það ætti að vera komið nóg í þann fjölda sem ætlunin er að vera með. Fyrir eru 85 ungar hænur í uppeldi sem er orðnar 3-5 mánaða gamlar og eru fyrstu eggin farin að koma hjá sumum þeirra og mun restin af þeim fara að verpa í næsta mánuði. Allar eiga þær svo að vera komnar í varp ó nóvember n.k. Sjálfar hænurnar eru orðnar 33 talsins og verpa bara vel. Hanarnir eru orðnir 36 talsins og er hægt að fá hana til kynbóta ef einhver vill og vantar. Allt gullfallegir fuglar,fallegir í fiðri,marg breytilegir kambar og með góðan skrokk....og litadýrðin er mjög fjölbreytileg og mikil.

 

Er að byrja smátt aftur.

 

Ég hef tekið þá ákvörðun að setja í vél nú um helgina (18.júlí) og koma ungar úr þeim eggjum fyrstu vikuna í ágúst. Þetta er smátt svona til að byrja með enda vantar enn rafmagn hér í þau útihús sem sluppu frá brunanum en þó er þetta alltaf byrjunin,maður sér svo til hvað kemur útúr þessu. Sett verða 120 egg í vél núna og önnur 100 egg í vél í næstu viku ef vel tekst til.

 

Nú eru til útungunar egg!

 

Nú getur fólk fengið egg til útungunar hjá mér ef vantar. Eins og flestum er sjálfsagt kunnugt um er ég með nokkrar hænur og er að fá nokkur egg á dag og get því látið egg úr þeim til útungunar

 

Fiðurtaka vegna erfðarannsóknar.

 

Nú stendur til að rannsaka erfðaefni Landnámshænunnar og kemur þá vonandi í ljós hversu hrein nú eða blönduð hún er. Til að hægt sé að fá sem gleggsta mynd af þessu er áríðandi að sem flestir er eiga fugla taki þátt í þessu verkefni og sendi inn sýni og gerið það sem fyrst.

Aðferð við sýnatöku:

 

Best er að tveir séu við þetta og annar haldi á fuglinum og breiði út annan vænginn. Hinn aðilinn tekur svo fjaðri undan vængnum ca.5 fjaðrir af hverjum fugli. Tekið er efst um fjöður stafinn með tveimur fingrum og kippt snögg úr. Passið að fjöðurstafurinn sé með og fastur við sjálfa fjöðrina(fanirnar) Setjið þessar fjaðri í poka og merkið.

Merkingin:

 

Setjið 5 fjaðrir af sama fuglinum í poka og númerið pokann....t.d. no:1,no:2,no:3 og svo framvegis.Munið svo hvaða fugl er númer hvað.Merkið pokann með nafni eiganda,heimilisfangi og nafn á hænunni má vel fylgja með en gleymið ekki að númera hvern poka fyrir sig.Gott er fyrir hvern og einn að skrifa niður hjá sér hvaða fugl er númer hvað og hafa nafnið hans með líka og geyma þetta svo hjá sér svo hægt sé að rekja niðurstöðurnar þegar þær berast.

 

Sýnin er svo hægt að senda til eftirfarandi aðila

Jóhönnu Harðardóttur Hlésey 301 Akranes

Júlíus Már Baldursson Tjörn Vatnsnesi 531 Hvammstangi

Valgerður Auðunsdóttir Húsatóftum 801 Selfoss

og verður sýnunum komið til skila í rannsóknina.

Endilega takið þátt í rannsókninni og sendið sýni.

 

 

Átt þú til unga eða ungar hænur?

 

Ef einhver á til unga sem hann getur látið þá væri ég til að á fá nokkra .Ég er búinn að útbúa mér til bráðabirða aðstöðu hér og hef því tök á að taka unga til mín á ný,unga sem ég ætla að ala upp og hafa með stofninum mínum sem fyrir er. Ef þú átt unga þá endilega hafðu samband við mig.

 

Er að byrja smátt aftur.

 

Ég hef tekið þá ákvörðun að setja í vél nú um helgina (18.júlí) og koma ungar úr þeim eggjum fyrstu vikuna í ágúst. Þetta er smátt svona til að byrja með enda vantar enn rafmagn hér í þau útihús sem sluppu frá brunanum en þó er þetta alltaf byrjunin,maður sér svo til hvða kemur útúr þessu. Sett verða 120 egg í vél núna og önnur 100 egg í vél í næstu viku.

 

Nú eru til útungunar egg!

 

Nú getur fólk fengið egg til útungunar hjá mér ef vantar. Eins og flestum er sjálfsagt kunnugt um er ég með nokkrar hænur og er að fá nokkur egg á dag og get því látið egg úr þeim til útungunar

 

VB Landbúnaður styrkir Landnámshænuna.

 

Sverri hjá VB Landbúnaði hafði samband fyrir nokkru og færði þær fréttir að fyrirtækið hefði ákveðið að styrkja uppbyggingu að Tjörn vegna Landnámshænunnar og var sú ákvörðun tekin af fyrirtækinu að færa Landnámshænunni nýja útungunarvél að gjöf.Þetta er Maya vél frá Ítalíu sem fyrirtækið er nýfarið að flytja inn og tekur 100 egg í útungun.Vélin sér um að snúa eggjunum sjálf og er hönnuð þannig að mjög auðvelt er að sjá ofan í hana þar sem lokið á henni er glært plastgler.Þessi vél hentar því mjög vel á sýningar til að sýna unga skríða úr eggjum og sýna dagsgamla unga. Meiningin er að prófa vélina fljótlega.

Sverrir kom svo sjálfur fyrir nokkrum dögum að Tjörn í kaffi og spjall og afhenti vélina frá VB Landbúnaði.

 

Starfsfólki hjá VB Landbúnaði eru færðar innilegar þakkir fyrir höfðinglega og góða gjöf sem og fyrir stuðningin!

 

Nýjar fréttir frá Tjörn.

 

Framan af gekk allt frekar rólega hér vegna viðgerðar og uppbyggingar og sáust engir eða heyrðist ekki í neinum í 7 vikur eftir hlé í vor. Undanfarið hafa verið hér iðnaðarmenn í vinnu og gengið vel enda hörkuduglegir og vandvirkir.Búið er að hreinsa allt úr viðbyggingunni og var hún alveg gerð fokheld enda eina sem skilið var eftir af henni var grunnur,plata og útveggir....öllu öðru var mokað í burtu enda mikið brunnið og skemmt af sóti og vatni.Nú er komið nýtt þak,búið að setja lista utan ábygginguna fyrir einangrunarmottur og verður hún svo öll klædd að utan.Þá verða settir nýjir gluggar í hana alla. Búið er að steypa í gólfið,einangra hana og að mestu búið að klæða bygginguna að innan og verið er að klára það verk á næstu dögum,þá verður loftið klætt og nýtt rafmagn var lagt í bygginguna í gær og dag.Eftir er að skipta um gluggana og setja upp millivegginn á milli búrs/geymslu og andyris en sá veggur skiptir byggingunni í tvennt eftir endilöngu og svo verða gólf flísalögð. Bygginginn verður mikið breytt frá því sem var og verða t.d. tvö herbergi í henni núna en voru þrjú áður enda verður þetta má segja nýtt hús og fært í nútímalegra horf en var.

Byrjað er að laga rafmagnið í íbúðarhúsinu enda þarf að taka mikið af eldri lögnum í burtu og leggja nýjar.Nýr hitakúrur fyrir neysluvatnið hefur verið settur upp,skipt verður um nokkra ofna og verður lagt nýtt rafmagn í fjárhúsin á næstu dögum sem og í hænsankofann sem slapp frá brunanum og hanarnir voru í.

Sem sagt allt komið á góðan skrið núna og gengur hratt og vel fyrir sig.

 

Styrktartónleikar í Ásbyrgi á Laugabakka.

 

Haldnir voru í kvöld,laugardaginn 05 júní styrktartónleikar vegna brunans sem hér varð á Tjörn þann 28.mars sl. Það er alveg frábært að sjá og heyra hvað mikið er til af hæfileikaríku fólki með stórt og gott hjárta hér í Húnaþingi Vestra....tónleikarnir voru stórgóðir og virkilega skemmtilegir í alla staði svo ekki sé meira sagt. Mig langar til að senda innilegar þakklætis kveðjur til þeirra er stóðu að tónleikunum sem og þeirra er komu fram og bæði spiluðu og sungu.Ekki síst þakka ég öllum þeim er mættu og sýndu stuðning með nærveru sinni. Þetta var eitt það skemmtilegasta kvöld sem ég hef átt um langa hríð og verður ein af mínum betri minningum um alla framtíð.Maður er ekki einn þegar maður finnur fyrir svona stuðningi og samhug frá góðu fólki í heimahéraði. Hafið öll kæra þökk fyrir yndislegt kvöld og góða stund.

 

Súfistarnir færa gjöf.

 

Fyrir nokkrum árum síðan hafði samband við mig Bjarni Ásgeirsson hrl.úr Hafnarfirði en Bjarni hafði heyrt viðtal við mig í útvarpinu um íslensku Landnámshænuna og vakti þetta viðtal áhuga hans.Bjarni ásamt nokkrum öðrum góðum mönnum hittast reglulega í kaffi og spjalli á kaffihúsinu Súfistanum í Hafnarfirði og leysa í sameiningu bæði heims og landsmálin:) Þessa "grúppu" hef ég kallað "Súfistana"og hafa þeir komið hingað að Tjörn í heimsókn í kaffi,mat og spjall og hafa fylgst vel með ræktuninni. Gott og mikið samband hefur verið á milli okkar í langan tíma. Þessir menn tóku sig til eftir brunann nú vor og færðu Landnámshænunni að gjöf nýja útungunarvél. Vélin er ein sú fullkomasta sem til er á markaðinum í dag frá Brinse í Bretlandi,alsjálfvirk(sér sjálf um hitastig,snúning og rakastig)og tekur 200 egg í útungun. Það verður gaman að prófa vélina þegar aðstæður leifa.

 

"Súfistunum" er færðar innilega þakkir fyrir þessa höfðinglegu og góðu gjöf !

 

 

Maí 2010

 

Jæja þá er maður komin með nokkrar hænur.....svona sýnishorn má segja. Ég lagaði til bráðabirða til í kofanum hér sem slapp frá brunanum og hanarnir voru í ,setti spænir á gólfið og nýja glugga í hann. Tók svo að mér 14 fallegar hænur frá þremur einstaklingum sem ekki gátu haft þær lengur. Týmdi ekki að láta farga þeim enda flestar ungar og afskaplega fallegar. Svo nú ofdekrar maður og dúllar sér við þær á morgnana og maður er farinn að fá egg á nýjan leik á hverjum degi:).

 

Maí 2010

 

Séu einhverjir að spá í að fá sér unga nú í vor eða sumar er velkomið að hafa samband og panta hér hjá mér.Ég kem því þá áleiðis til þeirra sem eru að unga út og pantanir verða afgreiddareins fljótt og hægt er..

 

Byrjun maí 2010.

 

Þá er búið að hreinsa brunarústirnar, aka öllu í burtu og setja möl yfir svæðið þar sem útihúsin stóðu áður.

Búið er að hreinsa allt útúr tengibyggingunni og var hún gerð fokheld.Allir milliveggir,hurðir,gluggar og það sem eftir var af þakinu var tekið í burtu.

Búið er að setja nýja sperrur á húsið og nýja súð.Þetta er farið að þokast áfram núna og vonandi verður framhald á.

 

Ástandið á Tjörn í dag !

 

Ástandið á heimilinu má segja að sé ekki gott og oft hefur það verið betra en nú er. Það er á mörkunum að hægt sé að búa í íbúðarhúsinu eins og það er í dag en maður lætur sig hafa það en auðvitað er margt sem þarf að gera eftir svona atburð eins og brunann sem varð hér.

Það þarf að ljúka hreinsunar starfinu og lýkur því vonandi í vikunni. Rífa þarf það sem ekki brann í tengibyggingunni og byggja uppá nýtt. Það þarf að setja nýtt þak á bygginguna,nýja glugga og gler,laga gólf og nýjar hurðir.Þá þarf að leggja nýtt rafmagn þar og einangra og klæða alla bygginguna alla að utan.

Íbúðarhúsið skemmdist mikið af vatni ,sóti og reyk ásamt því að eldurinn komst í hornið á þakinu er snýr að tengibyggingunni. það þarf að skipta um hluta af þakinu á því,þakglugga(2) sem og glugga í risinu (4). Þrífa þarf allt húsið fyrst og mála uppá nýtt frá kjallara og uppí ris.Skipta þarf um útidyr sem eru 3 og 5 innihurðir.Þá þarf að skipta um vatnslagnir að hluta og legga nýtt rafmagn í allt húsið en hér er bara bráðbirgða rafmagn í dag.

 

Leggja þarf nýja rafmagnstaug að húsinu sem og að fjárhúsunum en þau eru hér ofar en hinar byggingarnar voru en heimtauginn þar brann í sundur sem og heimtaugin í íbúðarhúsið.Þá þarf að laga eða skipta um eldhúsinnréttingu vegna vatnsskemmdaog skipta um öll gólfefni á neðri hæð.Pakka þarf niður megninu af búslóðinni svo hún sé ekki fyrir iðnaðarmönnunum og verður hún sett í stóran geymslugám sem er kominn hingað heim á hlað.Svo það er af nógu að taka og nóg að gera framundan.

Þegar þessu verður lokið verður tekin ákvörðun um framhaldið og uppbyggingu en nóg er að hugsa um þetta í bili og klára þetta verkefni fyrst.

 

Bruninn!

 

Það sem fór í brunanum hér þann 28.marsl sl. var eftirfarandi.

Hlaða,fjós,haughús,geymsla og tvöfaldur bílskúr brunnu til grunna með öllu sem í því var.Eignatjón hleypur á tugum milljóna en ekkert bætir Landnámshænustofninn sjálfan eða kisurnar sem brunnu inni. Hér brunnu rúml.200 hænur,25 hanar,147 tæplega 6 vikna gamlir ungar,4 kisur og 970 egg í útungunarvélum sem voru við að klekjast út innan þriggja daga. Allur búnaður,vélar og fl.er tilheyrði fuglum brann einnig.Þá fóru öll handverkfæri,rafmagnsverkfæri,garðhúsgögn,allt er viðkemur garðrækt og það sem tilheyrði matjurtagarðinum,ker,pottar,slöngur,styttur,vélar,áhöld og fl.sem og flest það sem fólk geymir venjulega í geymslum hjá sér.

Tjónið hér nemur tugum milljóna króna en ekkert bætir fuglana eða kisurnar.

 

Fréttir frá Tjörn.

 

Nú er rannsókn á brunanum lokið,tryggingasérfræðingar búnir að meta tjónið að mestu og nefnd frá Ráðuneytinu búinn að skoða aðstæður svo nú er hægt að halda áfram og ljúka hreinsunarstarfinu og hefja uppbyggingu. Það verður mikill léttir að losna við að horfa uppá alla þessa eyðileggingu sem hér varð alla daga og vonandi tekur viðgerð ekki langan tíma..

 

Innilegar Þakkir !

Kæru Landnámshænu eigendur og aðrir velunnarar !

Innilega þakkir til ykkar fjölmörgu sem sent hafið samúðarkveðjur til mín með SMS skilaboðum,hringingum,kortum og tölvupóstum vegna brunans er varð hér hjá mér þann 28.mars sl.

AÐ fá alla þessa samúð og fallegar kveðjur ásamt hvatningu um að halda áfram frá ykkur herðir mann og styrkir á erfiðum tímum og hvetur mann til að halda áfram en það ætla ég einmitt að gera.

Kveðjurnar frá ykkur skipta orðið hundruðum sem hingað hafa borist og mér er orða vant.

Nú er bara að horfa fram á veg,líta björtum augum á framtíðina og halda áfram að rækta Landnámshænuna.

Enn og aftur......Innilegar og kærar þakkir!

 

Tilkynning!

 

Eins og flestum er kunnugt um þá gerðist sá hörmulegi atburður hér að Tjörn aðfaranótt 28.mars sl.að útihúsin hér á bænum brunnu til grunna í miklum eldsvoða og brann inni allur stofn Landnámshænunnar sem hér var,ásamt öllum búnaði er tilheyrði fuglunum.Reksturinn liggur því niðri um óákveðin tíma en nánari fréttir vera settar hér inn um leið og eitthvað breytist,ásamt fréttum af framhaldinu.

Vegna þessa ástands og aðstæðna sem hér eru á þessari stundu eru engin egg til né ungar og verður ekki á næstu vikum allavega.

 

Mars 2010.

 

Vegna bilunar í tölvunni hjá mér hef ég ekki getað komist inná heimasíðuna í um mánuð til að skrifa fréttir og er beðist velvirðingar á því en nú er þetta sem betur fer komið í lag.

 

Febrúar 2010.

 

Búið er að bæta við nýjum upplýsingum og greinum á heimasíðuna og eru þær undir tenglunum"uppskriftir", "Hænan og haninn",einnig hefur verið uppfært undir tenglinum "Sala og verð" en smá hækkun verður á þessu ári þar sem allt hefur hækkað er viðkemur fuglunum,bæði fóður,bensín,ílát og fl.og jú bara allir aðdrættir hafa hækkað eins og fólki er sjálfsagt vel kunnugt um.

Skoðið sérstaklega upplýsingar um "Hegðun hanans" og "Illir hanar" .

 

Margar heimsóknir á síðuna.

 

Heimsóknirnar eru orðnar rúmlega 13.700 talsins á heimasíðuna frá upphafi og hafa verið rúml.600 heimsóknir á sl.tveimur mánuðum.

 

Febrúar 2010.

 

Jæja þá er búið að setja hanana saman við hjá hænunum og gengur mikið á í húsinu þessa dagana. Nú þarf að berjast fyrir virðingarsæti sínu,goggunarröðin í algleymi og það þarf að sinna hænunum. Þetta fer svo að róast þegar frá líður en tekur svona um tvær vikur að komast í samt lag og var.Byrjað verður að safna í fyrstu vélarnar nú um næstu mánaðarmót og eiga fyrstu ungar að koma í kringum 20.mars. Stefnt er að því að páskaungarnir í ár komi fimmtudaginn 1.apríl á Skírdag.

 

Takmarkinu var náð !

 

Í lok október vantaði rúml.380 innlit á heimasíðuna til að ná 12000 heimsóknum fyrir áramót og fannst mér það nokkur bjartsýni að þeim áfanga yrði náð en viti menn,þann 22.desember sl.náðist þetta og teljarinn sýndi töluna 12000 þegar ég fór inná síðuna um kaffileytið til að setja inn jólakveðjuna til ykkar. Frábær árangur finnst mér að ná þessu á ekki lengri tíma með svona afmarkað efni og ekki svo stóran áhugamanna hóp. Hafið öll kæra þökk fyrir heimsóknirnar og ég vona að heimasíðan geti hjálpað ykkur eitthvað í því er varðar fuglana og að þið hafið sem best og mest not og gang af henni.

Þetta er því má segja frábær árangur finnst mér.

 

Viltu leigja jörð?

 

Hefur þú eða veistu um einhvern sem vill eða getur leigt jörð eða húsnæði með útihúsum utan þéttbýlis sem hentar Landnámshænunni? Það þarf hvorki haga né tún en smá svæði umhverfis húsin svo fuglarnir geti verið úti við.Það þarf aðeins íbúðarhús og útihús sem þurfa ekki að vera stór.....t.d. eldra fjós og hlöðu,fjárhús og hlöðu eða stóra skemmu sem hentar fyrir Landnámshænuna ,uppeldi og útungun. Þú færð góðan og traustan leigjanda sem er þrifinn,snyrtilegur og gengur mjög vel um bæði úti og inni. Mjög gott væri að þessi aðstaða væri rétt við eða stutt frá þjóðvegi 1 til að auðvelda heimsóknir og skoðun og fyrir sunnan Holtavörðuheiði og Bröttubrekku en ekkert skilyrði þó. Allt verður skoðað og allt kemur vel til greina. Endilega láttu vita á juliusb@simnet.is og í 451-2271 eða 861-3348.

Fullum trúnaði heitið sé þess óskað .

 

 

 

Nóvember 2009.

 

Vegna mikilla fyrirspurna undanfarið um vítamín og steinefna blönduna sem ég gef fuglunum yfir vetrarmánuðina þá er ég búinn að umreikna magnið og setja upplýsingar um þetta inná heimasíðuna.Undir tenglinum "uppeldi og fóðrun" er hægt að lesa sér til um þessa blöndu sem ég gef fuglunum ..Uppskriftin sem þar er gefin upp er miðuð við að fólk hafi um 10 fugla .

 

Nóvember 2009.

 

Þá er búið að þrífa allar útungunarvélarnar og eru þær nú komnar í hvíld fram á vor. Búið er að fækka hönum eins og til stóð og taka frá aðra sem koma til með að leysa þá gömlu af næst vor.Þeir hanar sem settir voru á í haust eru nú í sér húsi svo nú er allt rólegra hjá hænunum frá því sem áður var. Eldri hanarnir sem eftir voru eru enn hjá hænunum en verða teknir frá þeim um næstu helgi og verða þær hanalausar með öllu í vetur eins og venjulega.

 

Nóvember 2009.

 

Jæja þá er aðalfundinum lokið og var þetta hinn ágætasti fundur. Tekið var á ýmsum málum,þau rædd og fundnar lausnir. Árgjaldið var hækkað sem var kominn tími á að gera svo félagið geti haldið áfram úti öflugu starfi og gefið út blaðið eins verið hefur .

 

Nóvember 2009.

 

Er nú farin að gefa hænunum bætiefni og vítamín fyrir veturinn. Það er nauðsynlegt fyrir þær að fá auka bætiefni þar sem þær hafa frekar lítið úti við nú orðið. Skordýr eru lögst í dvala eða farin og gróður allur fallinn svo þær geta víst lítið gert annað en að viðra sig þegar þær eru úti. Þá er gott að bæta þeim þetta upp með aukaefnum og vítamínum svo þær skorti örugglega ekki neitt.

Hænurnar hafa alltaf frjálsan aðgang í varpfóður, ferskt vatn og skeljasand. Á veturnar bý ég til eftirfarandi blöndu handa þeim. 2 hlutar bygg,1 hluti maískurl,2 hlutar varpfóður og útí þetta set ég lýsi og tvo hnefa af fiskimjöli,ég blanda þessu vel saman og legg þetta í bleyti yfir nótt svo það verði eins og þykkur hafragrautur og gef þetta í sérstök trog á morgnana sem eru hjá þeim. Útí vatnið hjá þeim set ég B vítamín sem ég hef leyst upp í vatni.

 

 

Október 2009.

 

Jæja það er skammt stórra högga á milli hjá manni þessa dagana má segja. Droplaug gamla féll frá sl.nótt og Irja mín í fyrrinótt en Droplaug náði 14 ára aldri um miðjan september sl. og var hún talin ein af eða með elstu landnámshænum landsins. Hún lá bara eins og hún væri sofandi í einu af varphólfunum þegar ég kom út í morgun til gegninga. Droplaug fór og tók þátt í mörgum sýningum víða um land í gegnum tíðina og vakti alltaf mikla hrifningu fyrir hve falleg hún var og róleg þar sem hún var í búrinu sínu,hún var nú farinn að fella af og láta á sjá undir það síðasta blessunin sem vonlegt er. Hennar verður mjög sárt saknað hér á heimilinu blessaðri en svona er þetta bara,þær verða víst oftast ekki mjög gamlar þessar elskur og má maður þakka fyrir að sumar nái þó þetta háum aldri.

 

Október 2009.

 

Ég gaf loforð um það fyrr í haust að koma með nýklakta unga á öldrunardeild sjúkrahússins á Hvammstanga svo gamla fólkið gæti séð þá og rifjað upp gamlar minningar frá æskuheimilinu sínu í sveitinni. Þetta loforð var efnt í dag og fór ég með 10 unga með mér og hafði þá þar í um 2 tíma. Þetta vakti mikla lukku hjá gamla fólkinu og miklar umræður....skemmtilegt þegar maður getur látið eitthvað gott af sér leiða.

 

Október 2009.

 

Irja sem var ein fallegasta hænan í hópnum og er sú sem flest verðlaun hefur fengið á sýningum undanfarin ár, sofnaði svefninum langa sl.nótt 8 ára gömul.,Hennar er og verður sárt saknað úr hópnum. Þessi hæna hefur alla tíð verp afskaplega vel,var alltaf svo falleg í fiðri, fyrir utan hvað hún var sérkennilega og falleg á litin. Sjá má myndir af henni í sumum af Landnámshænsna blöðunum sem komið hafa út síðastliðin ár.

 

Október 2009.

 

Fyrir þá sem misstu af síðast!

 

Nú í lok mánaðarins er hægt að fá góðan áburð ef einhvern vantar. Þetta eru þurrar spænir sem eru blandaðar hænsnaskít,létt,þurr og kröftugur áburður.Kjörin á allan gróður og í matjurtagarðinn. Þrifalegt og létt verk að bera á. Hafið samband sem fyrst.

Athugið! ....takmarkað magn !

 

Október 2009.

 

Eins og oft hefur komið fram áður er heimasíðan sífellt í vinnslu og alltaf bætt við þegar tími gefst til þess enda eru verkefnin að því virðist ótæmandi þegar kemur að fuglunum. Nú hefur mörgu nýju verið bætt við og má sjá það meðal annars undir tenglunum vinstra megin á síðunni sem heita "Aðbúnaður fuglanna" , "Egg og útungun" , "Uppeldi og fóðrun" og "Hænan og haninn". Vona ég að þetta komi einhverjum sem er með hænur að góðum notum í framtíðinni .Endilega kíkið á tenglana.

 

Október 2009.

 

Fréttaskotið á RUV þann 13.okt.sl.vakti mikla lukku og athygli eftir viðbrögðunum að dæma sem ég hef fengið frá fólki undanfarna daga. Viðtalið var flutt í heild sinni á Útvarp Norðurlands þann 12.okt.sl.um kvöldið og á Rás I í þættinum "Samfélagið í nærmynd" þann 13.okt.sl en sá þáttur er á dagskrá kl.11.03 . Viðtal og myndir komu svo í seinni fréttatíma RUV um kvöldið þann 13.okt. Hægt er að heyra og sjá þessar fréttir og hlusta á viðtalið í heild sinni ef farið er á heimasíðu RUV á RUV.is og fletta upp dagskrá eftir dagatalinu sem birtist hægra megin á síðunni.

 

Vantar þig góðan áburð ?

 

Nú stendur yfir hreinsun í hænsnahúsinu og leggst mikið til að spónum sem eru blandaðar driti úr hænunum. Þetta er þurrt og afskaplega létt og auðvelt að bera á. Spænirnar eru jú hrein náttúru afurð og hænsnadrit er sá besti áburður sem hægt er að fá og hugsa sér og hentar mjög vel á allan gróður eins og t.d.tré,runna,blómabeð og ekki hvað síst í matjurtagarðinn .

Vöxtur plantnanna verður kröftugur og mikill og matjurtagarðurinn skilar þér met uppskeru. Þetta hef ég eingöngu notað í garðana og í alla ræktun hjá mér í mörg ár og má til gamans geta þess að kartöfluuppskeran hér sl.ár var um 200 kg en sett voru niður 12 kg af útsæði. Haustið og vorin eru besti tíminn til að bera þetta á og best er að róta til aðeins með hrífu eða arfaklóru í blóma og trjábeðum þegar búið er að setja spænirnar á beðin. Best er að hella þessu beint í matjurtabeðin þegar búið er að taka upp og pæla þetta saman við moldina fyrir veturinn,sama er gert ef sett er í beðin að vori til . Bara setja spænirnar í beðin og stinga svo upp garðinn og blandast þetta þá vel saman við. Moldin verður léttari í sér,loftar betur um hana,auðvelt er að vinna hana og hún mildast vel,mikil myndun er af möðkum sem gera gott og mikið gagn í moldinni sem og plöntur vaxa og dafna mjög vel af þessu enda mjög næringaríkt.Spænirnar og dritið verður svo aftur að mold með tímanum.

Ég set þetta í margfalda 40 kg bréfpoka undan fóðri (léttari í kílóum með dritspónum) en fullur svona poki kostar 1200 kr. Ég er svo á ferðinni héðan frá Tjörn til Reykjavíkur um hver mánaðarmót svo ekkert mál er að taka með sér poka af svona áburði ef fólk í Reykjavík hefur áhuga á þessu nú eða einhversstaðar á leiðinni eins og t.d. Akranesi eða Borgarnesi og víða. Þetta er þurrt og létt og auðvelt að fara með þetta.

Ef þú hefur áhuga á vistvænum og kröftugum áburði á plönturnar þínar þá hafðu samband í síma 451-2271 eða með tölvupósti á juliusb@simnet.is

 

September 2009.

 

Nú hefur verið opnuð ný heimasíða fyrir félagið og er slóðin á hana sú sama og var áðurwww.haena.is endilega kíkið inn á síðuna og skoðið.

 

September 2009.

 

Það er gaman að sjá hvað síðan kemur að góðum notum og hvað fólk er duglegt að fletta henni upp til að skoða og sækja sér fróðleik og ábendingar um fuglana. Flettingar eru komnar yfir 10 þúsund talsins og kvetur þetta mann til að halda áfram og reyna að gera vel og enn betur. Ég vil einnig kvetja fólk til að vera ófeimið að hafa samband ef það hefur einhverjar fyrirspurnir og ekki skemmir heldur fyrir ef það hefur einhverjar ábendingar eða góð ráð vegna fuglanna sem það vill deila með öðrum .það er sama hvaðan gott kemur.

 

Ágúst 2009.

 

Þá er Landbúnaðarsýningunni Glæta 2009 í Borgarnesi lokið. Mikið var af gestum,alskonar uppákomur voru í boði og fór sýningin í alla staði mjög vel og skemmtilega fram. Ég sýndi þarna mikið úrval af hænum,hönum,kjúklingum og unghönum og eins og áður var hægt að sjá unga skríða úr eggjum yfir helgina. Mjög margt fólk stoppaði við til að skoða ungana og útungunina sem og til að spjalla og forvitnast um fuglana. Kosið var um fallegustu hænuna og fallegasta hanann á sýningunni og voru hlutskörpust þau Irja og Grámann en þau fengu flest atkvæðin sem veitt voru af sýningargestum og fengu lang flest atkvæðin.

Mig langar til að þakka SIggu,Inga,Ámunda,Simba og öllum hinum sem að sýningunni stóðu fyrir mig og fuglana. Það var virkilega gaman að kynnast þessu fólki öllu og starfa með því enda var jákvæðnin og gott skap sem fylgdi því alla dagana á meðan á undirbúnnigi stóð sem og alla sýningardagana .Hafið kæra þökk fyrir mig og fuglana.

 

28.júlí 2009.

 

Búið er að afhenda uppí allar pantanir úr því holli sem tilbúið var og er það holl allt uppselt.

Ungar skriðu úr eggjum í gær og í dag og er útungun úr þessu holli því lokið. Þessir ungar fara nú í uppeldi og verða tilbúnir seinnipartinn í september. Meiri hlutinn af þessum ungum er nú þegar pantaður. Sett verður aftur í vélar nú eftir helgina og koma ungar í þeim eggjum í lok ágúst. Þeir sem áhuga hafa á að fá unga fyrir veturinn ættu að athuga með að leggja inn pöntun sem fyrst .

 

Júlí 2009.

 

Að Laugabakka í Miðfirði hefur verið starfræktur Sveitamarkaður um helgar nú í sumar og verður þessi markaður fram eftri ágústmánuði allavega. Nú um helgina verð ég með Landnámshænuna til sýnis á markaðnum og mun ég hafa fuglana frjálsa í stóru búri á svæðinuen ekki í sýningarbúrunum.Þetta sama búr var notað í Borgarnesi á Landnámshátíðinn fyrr í sumar. Búrið sem ég nota er um 180 cm hátt og 3 x 6 metrar að ummáli. Þarna verður hægt að skoða bæði hænur og hana og kaupa egg ef fólk vill.

 

Tilkynning !

Að gefnu tilefni vil ég ítreka það að heimasíminn hjá mér er 451-2271 eins og fram kemur á forsíðunni og er þetta númer einnig skráð í símaskránni og hjá 118. Bæði er ég persónulega skráður á þessu númeri,Tjörn og Landnámshænan. Einhverra hluta vegna hefur fólk fengið samband við einhvern á Hvanneyri þegar það hefur ætlað að hringja í mig og er sennilegasta skýringin sú að valið er röng tala,sennilega sú síðasta í númerinu. Viðkomandi aðili á Hvanneyri er beðinn velvirðingar á þessu ónæði en hann hefur víst oft fengið símtal sem átti að fara hingað vegna Landnámshænunnar ....... :)

 

Munið 451-2271 og 861-3348

 

Júní 2009.

 

Þá er Landnámssýningunni í Borgarnesi lokið og tókst hún í alla staði vel.Þarna var margt um að vera og margt sem sýnt var frá Landnámi,leikir,dans,bardagar og fl.Tískusýning á vikingaklæðum,sagðar sögur,farið með rímur og margt annað.Lifandi og skemmtilega hátíð og lék veðrið við gestina.Ég setti upp stórt búr og hafði 9 hænur og 2 hana til sýnis og voru fuglarnir lausir í búrinu á meðan hátíðin fór fram. Fjöldi gesta var þarna og var mikil aðsókn í að skoða og spjalla um Landnámshænuna.

 

Júní 2009.

 

Laugardaginn 27.júní n.k.verð ég með hænur og hana á sýningu í Borgarnesi en þessi sýning er haldin af Landnámssetrinu þar í bæ. Og hvar á Landnámshænan betur heima en á Landnámssýningu? Þessi sýning er tileinkuð Brák og verður eins og áður kom fram í Borgarnesi á morgun þann 27.júní og hefst kl 14 og stendur fram eftir degi. Ég verð þar að sjálfsögðu til skrafs ef einhverjir vilja og væri gaman að sjá sem flesta þar.

Einnig vil ég minna á sýningu á vegum félagsins í Húsdýragarðinum í Reykjavík sama dag. Það hefði verið gaman að vera þar en maður getur víst ekki verið á tveimur stöðum í einu.

 

Júní 2009.

 

Hingað hefur komið mikið af gestum undanfarna daga til að skoða enda vakti viðtalið í útvarpinu mikla eftirtekt og lukku.Einnig hafa verið teknar þó nokkrar fósturhænur eftir þetta viðtal enda finnst fólki þetta sniðug gjöf og góðir möguleikar á að eignast íslenska Landnámshænu. Mig langar til að þakka öllum þeim er hingað hafa komið sem og þeim er hafa tekið hænu í fóstur og þar með styrkt við ræktun og viðhald á Landnámshænunni.

 

Júní 2009.

 

Mig langar bara til að þakka þeim fjölmörgu sem bæði hafa sent mér tölvupósta eða hringt í mig og þakkað mér fyrir viðtalið í þættinum Samfélagið í nærmynd á Rás 1 í gærmorgun. Það kom mér virkilega á óvart hversu margir hlustuðu á þáttinn og höfðu gagn og gaman af. Hafið kæra þökk fyrir "commentin" og góðar undirtektir ásamt öllu þakklætinu sem þið senduð mér í öllum þessum póstum og símtölum. Þetta gladdi mig mikið.

 

Jjúní 2009.

 

Viðtal á Rás 1 á RUV 15.júní n.k

 

Fyrir þau ykkar sem lesið fréttapistlana mína hér langar mig til að benda á að á mánudaginn kemur þann 15.júní verður viðtal við mig í þættinum "Samfélagið í nærmynd" en sá þáttur er á RUV rás 1 og hefst kl 11. Svo ef þið hafið áhuga á að hlusta þá endilega stillið á rás 1 á mánudaginn kemur kl 11 fyrir hádegi.

 

Júní 2009.

 

Afskaplega rólegt veður hefur verið hér undanfarna daga,hlýtt og andvari eða gola þó alskýjað hafi verið en hér hefur ekkert rignt lengi og allt því orðið mjög þurrt. Fuglarnir njóta þess til hins ýtrasta að vera útivið og róta mikið og baða sig. Þeir hópast út eldsnemma á morgnana og fara ekki inn fyrr en seint á kvöldin enda mikið að gera allan daginn hjá þeim.

 

Maí 2009.

 

Hér er búið að vera hvasst og kalt sl.fjóra daga,þoka í tvo daga en sól í tvo,kalt og hvasst. Hitastigið hefur ekki farið nema í um 8 gráður að degi til og niður í frostmark sl.tvær nætur.Alveg dæmigert vorveður hér um slóðir,allt fer vel af stað í byrjun en svo snýst hann í norðan eða norðaustan áttir og kólnar,hvessir og helst þurr.Kaldur þurrkur fer illa með allan gróðurinn,gróður fer til baka og allur gróandi tefst mikið. Þetta hefur seinkað gróðrinum og sumarkomunni hér allt upp í 4 vikur sum árin.

 

Maí 2009.

 

Jæja ekki var nú að spyrja að því,enn eitt áhlaupið að norðan hér og gerði alhvíta jörð en tók sem betur fer fljótt upp aftur. Setti nýjar spænir hjá fuglunum í gær og nýtt í varphólfin í dag.

 

Maí.2009.

 

Vorverkin eru hafinn hjá manni og vonandi helst þessi tíð eitthvað áfram.Hér er búið að vera rólegt veður undanfarið og allur snjór óðum að hverfa enda miklir skaflar hér eftri síðast norðan áhlaup. Allir vorfuglarinir eru komnir nema Krían en hún kemur alltaf síðust hér og sést oftast um eða í kringum 11.maí ár hvert.Hænurnar alltaf úti fram á kvöld og una sér vel,það eina sem vantar er að það þorni betur um svo þær geti baðað sig í jarðveginum.

 

April 2009.

 

jæja þá er uppfærslu síðunnar lokið eins og minnst var á að stæði yfir. Nú er allt lesmál orðið aðgengilegra,búið að setja inn nýtt og skýrara letur og kaflaskipta allri umfjölluninni upp.Hver kafli hefur nú sitt heiti og er hann merktur með stærra letri og í öðrum lit en efnið sem fjallað er um.Vonandi er heimasíðan aðgengilegri,auðlesnari og auðveldari fyrir bragðið. Heilmikið nýtt efni er komið inná marga tenglana fólki til gagns,gamans og upplýsinga .

 

Apríl 2009.

 

Eins og fram hefur komið hef ég unnið að smá breytingum á heimasíðunni og vonast ég til þess að það mælist vel fyrir og geri alla notkun og flettingar á henni auðveldari fyrir fólk en áður var. Einnig er komið inn mikið af nýju efni og upplýsingum inná suma tenglana og má t.d. nefna um hegðun hananna,hvort setja megi nýja hana saman við þá sem fyrir eru og hvernig bregðast skuli við því og hvernig unga á út í vélum. Búið er að fara yfir flesta tenglana og verður þessu lokið nú um helgina vonandi.

 

Apríl 2009.

 

Undanfarið hef ég unnið að því með öðrum verkum að uppfæra heimasíðuna og kafla skipta upp efninu sem fjallað er um á hverri síðu fyrir sig .Er þetta gert til að síðan sé aðgengilegri og auðveldari í notkun. Fólk sem er að leita sér að upplýsingum um eitthvað sértakt efni getur því nú farið beint inná viðkomandi efnisumfjöllun og sótt upplýsingarnar í stað þess að þurfa að lesa niður alla síðuna eins og áður var. Þetta ætti því að auðvelda og flýta fyrir allri notkun á heimasíðunni frá þvi sem var. Efnisumfjöllun á hverri síðu fyrir sig er því nú kaflaskipt og fær hver kafli sitt heiti í samræmi við umfjöllun hans. Efst við hvern kafla á hverri síðu kemur því heiti hans og er það bæði í stærra letri og öðrum lit en letrið sem fjallar um viðkomandi efni. Það ætti að auðvelda fólki að finna viðkomandi efni strax.

Vonast ég til þess að þessi breyting mælist vel fyrir og komi fólki að góðum notum á heimasíðunni í framtíðinni .

 

Apríl 2009.

 

Jæja vonandi er vorið að fara að láta sjá sig hér á norðurslóðum,búið að vera hvasst og kalt undanfarið og slydda eða snjókoma til skiptis. Flatlendi er orðið autt en mikið af sköflum ennþá sem og allir skurðir og lægðir full af snjó. Hrafninn kominn með unga og í dag sáust fyrstu gæsa og álfta hóparnir fljúga yfir. Lóan birtist svo í hópum hér í morgun og er búinn að syngja hér í allan dag .Þrestirnir komu fyrir rúml.viku síðan og eru farnir að undirbúa hreiðurgerð í ár. Svo spáir breyttum áttum núna og hlýnandi.....fer úr þrálátum norðanáttum í sunnanáttir og á að hlýna mikið og létta til ............jú er ekki vorið bara komið?...vonandi.Hænurnar eru búnar að vera duglega að vera úti undanfarið þrátt fyrir nepjuna og eru farnar að róta mikið og finna ýmiskonar skordýr enda vakna fljótt flugur og ormar þegar hlýnar í veðri og birtir til .Það þyrfti bara að þorna svolítið betur um svo hænurnar gætu farið að baða sig úti við.

 

 

Apríl 2009.

 

Tíðin hefur verið ágæt undanfarið,mikið af snjónum er farið og búið að vera ágætis þíða að degi til en um frostmark á næturnar.Enn er þó nokkuð eftir af sköflunum sem komu í síðasta áhlaupi,skurðir og gil eru enn full af snjó en láglendi að mestu orðið autt.Fyrstu vorboðarnir komu þann 04.apríl sl.en þá birtust hér tvenn þrastarhjón,má segja að vorið hafi komið þann dag eða allavega byrjað þá því hér var gola,heiðskýrt og sól,hiti fór hér í 23 gráður á móti sól en í 13 gráður í forsælu.Vonandi verður framhald á þíó spár segi manni að þetta sé ekki allt búið enn. Og nú bíður maður bara eftir því að lóan láti heyra í sér en hún er hér venjulega 10-11 apríl ár hvert. Mokað var út hjá fuglunum um helgina,skipt var um spænir á gólfum og ílát þrifinn upp.Svokölluð vorhreingerning enda þurrt,bjart og vistlegt hjá þeim núna .Fuglarnir hafa svo notið sín vel undanfarna daga að vera úti mest allan daginn enda búið að vera rólegt, stillt og þurrt veður í nokkra daga þó enn sé frekar blautt um.

 

Mars.2009.

 

Það virðist ætla að fara vel af stað þetta árið fyrir Landnámshænuna og margir bæði að endurnýja hjá sér eldri fugla og enn fleiri að taka fugla í fyrsta skiptið. Mikið er búið að panta fyrirfram eða aldrei eins mikið og nú og vona ég svo sannarlega að þetta ár verði gott ár á kynningu og dreyfingu á íslensku Landnámshænunni. Mjög gott væri ef fólk er að hugsa um að fá sér fugla að panta þá fyrirfram svo ég viti hvað þarf mikið uppí pantanir. Fuglana er hægt að taka á þeim aldri sem fólk kýs sér og hvenær sem er ársins,bara að ég viti hvað þetta verður mikið sem þarf að eiga svona ca.

 

Febrúar 2009.

 

Þá eru hanarnir komnir saman við hópinn aftur eftir hlé í vetur. Setti þá í hænsnahúsið í þremur hollum (8 stk á dag í þrjá daga) til að leyfa þeim að venjast breytingunni og ekki síst hænanna vegna þar sem valdbaráttan fer á fullt hjá þeim þegar þeir koma svona saman við aftur eftir langt hlé og þær verða bæði hræddar og æstar vegna þessara láta.

.Mikið áreiti og mikið flogist á þessa dagana en er farið að róast aðeins núna.

 

Janúar 2009.

 

Í dag 16.janúar eru nákvæmlega 2 ár síðan teljarinn var settur upp á heimasíðuna en síðan sjálf er tveggja ára síðan 16.ágúst sl. Það hefur glatt mig virkilega mikið hvað fólk virðist kíkja oft hér inn á síðuna og vonandi hafið þið getað notfært ykkur upplýsingarnar sem hér eru og verða.

Við verðum að athuga hvað þetta er í raun og veru lítill hópur sem hefur áhuga á þessu málefni sem er að halda og rækta Landnámshænuna og einnig hvað heimasíðan takmarkast við eitt málefni sem ekki mikill fjöldi sýnir áhuga og skilning á. Því tel ég þetta mjög gott.

Að vera búinn að fá 6.300 heimsóknir á tveimur árum er bara virkilega gott finnst mér og ég er mjög sáttur við það. Vona ég að heimasíðan og upplýsingarnar á henni komi að góðum notum og að svo verði áfram um ókomna tíð.

 

Nóvember 2008.

 

Langaði til að setja hér inn að gamni mínu grófreiknaðar upplýsingar fyrir þá sem vilja og þurfa á að halda hvernig verð á unghænu myndast og sýnir þetta fólki svona nokkurnvegin hvað einn fugl kostar í raun og veru. Þetta er svona til viðmiðunar fyrir þá sem eru að selja fugla og eins fyrir þá sem eru að kaupa fugla.

 

Raunverð á ársgamalli hænu.

 

Útungunaregg kostar 150 kr.stk


Rafmagn í 3 vikur á útungunarvélina kostar um 450 kr en hér er miðað við að vélin sé um 1,1 kw sem er algengast.
Dagsgamall ungi kostar því um 600 kr. Unginn er alinn upp í 7 vikur á Unga I og í


9- 16 vikur á Unga II sem er dýrara fóður en varpkögglar. Síðan er kjúklingurinn alinn upp á varpkögglum frá 16.- 20.viku og þar til hann er ársgamall. Meðaltal á dagsþörf fugls á fóðri er 120 gr.per.dag. 120 gr x 365 dagar er því 42 kg af fóðri fyrsta árið eða svo eða sem nemur einum poka af fóðri sem er 42 kg. Pokinn af varpfóðri kostar 5.090 kr og er 42 kg að þyngd
Hvert kg.kostar því 121 kr sem er þá margfaldað þannig. 42 x 121 gerir því 5.082. kr sem er kostnaður á fóðrinu fyrsta árið.


Plús 600 kr sem kostar að framleiða fuglinn og þá er verið að meina
eins og að framan er komið, 150 kr eggið og 450 kr í rafmagn. Ársgömul hæna leggur sig því á 5.690 kr og þá er ekki talið með vinna eða annar kostnaður eins og rafmagn og fl.yfir skammdegið né kaup á ílátum undir vatn og fóður eða laun að neinu tagi.

Og það er verið að selja unga hænu á 2.500 kr í dag.
Hænu sem kallast unghæna og er komin í varp.

 

Sept. 2008

 

Námskeiðið á Hvanneyri gekk vel fyrir sig og og var skemmtilegur hópur þar saman kominn. Mér fannst nú ekki síður fræðandi fyrir mig sjálfan að vera þarna á staðnum en þá sem voru eða komu á námsskeiðið. Þetta var jú fyrsta námskeiðið sem haldið hefur verið og tileinkað Landnámshænunni sjálfri og verður vonandi framhald þar .

 

Til hamingju með daginn !

 

Já þá er bara komið að því....hver hefði trúað því að þetta liði allt saman svona fljótt og hratt ? Þetta er nú bara alveg ótrúlegt en í dag 30. ágúst eru nú liðin 30 ár frá því ég fékk mína fyrstu fugla frá Keldum og er stofninn minn því 30 ára gamall í dag 30.ágúst 2008.

 

Ágúst.2008.

 

Þá er Landbúnaðarsýningunni Sveitasæla 2008 á Sauðárkróki lokið og tókst hún frábærlega vel í alla staði. Rosalega vinna fór í undirbúning fyrir sýninguna og tók það mig um mánuð að klára allt sem þurfti að gera.Það fóru svo heill dagur í að setja upp sýninguna sjálfa . Gífurlegur fjöldi fólks kom á sýningarsvæði Landnámshænunnar og var stöðugur straumur þar alla helgina og fullt útúr dyrum. Um 1600 mann kusu um fallegasta fuglinn og var lokað fyrir kosningu kl 13.á sunnudeginum og úrslit kynnt á sviðinu kl 15 .sama dag..

 

Úrslitin fóru svo þannig að Áslákur fékk 305 atkvæði og Skvísa fékk 161 atkvæði og unnu þau því kosninguna um fallegasta fuglinn á sýningunni 2008. Þarna sýndi ég alls 95 fugla á öllum aldri fyrir utan 75 unga sem skriðu úr eggjum á sýningunni sjálfri. Það er alltaf jafn gaman og gott að sækja Skagfirðinga heim og hafi þeir kæra þökk fyrir samvinnuna og allt er við kom sýningunni .Vonandi verður framhald á og við sjáumst öll hress og kát á Sveitasælu 2009 þegar þar að kemur. Sérstakar þakkir eru til Rósu Maríu og Eyþórs sem voru sýningarstjórar í ár og einnig kærar þakkir til Hafsteins fyrir allt.

Skagfirðingar,þið eigið heiður skilinn og hafið kæra þökk fyrir mig og Landnámshænuna.

 

 

 

Nýjasta blaðið okkar Landnámshænan er komið út ,hægt verður að nálgast það á ýmsum bensínstöðvum um landið á næstunni og á sýningum félagsins nú í sumar.

 

 

EIns og áður hefur komið fram er bæklingurinn kominnn úr og hefur hann fengið mjög góða dóma,bæði er varðar upplýsingar,lit og útlit.

30 mismunandi tegundir af póstkortum eru komnar og eru þetta mjög fallegar og fjölbreytilegar myndir,bæði af hænum,hönum og ungum.

Stórar veggmyndir eru komnar (40 x 70 cm) alls 12 talsins og verða þær notaðar til kynningar og auglýsingar á sýningum .

 

Barmmerki eru til og skiltin eru tilbúin.

 

Merki ræktunarinnar á Tjörn er komið sem segull á bílinn,eru þetta stórar segulmottur sem festast á bílinn,bæði vélarhlíf og hurðir og verður það notað í tengslum vegna sýninga ásamt því að fánar með merkinu verða einnig á bílnum. Er þetta gert til að vekja athygli á Landnámshænunni. Stórir fánar ásamt auglýsingaborðum voru framleiddir sl.ár.

 

Þá eru kominn barmmerki með merki ræktunarinnar,ískápsseglar með upplýsingum, ísskápsseglar með dagatali og til eru bolir í fallegum lit með merki ræktunarinnar á Tjörn ásamt litlum og fallegum drykkjarkönnum.

Þessar vörur er hægt að panta ásamt bæklingnum ef fólk vill hjá mér.

 

 

Síðastliðið sumar eftir að þátturinn í Laufskálanum var tekin hér upp og fluttur á RUV höfðu margir samband við mig bæði með símtali og eins kom mikið af tölvupósti.Fólk var mjög hrifið af þessu og fannst þátturinn takast vel í alla staði.

 

Meðal þeirra sem höfðu samband við mig eftir þáttin var einn góður maður í Hafnarfirði, Bjarni að nafni en hann og nokkrir aðrir eru félagar þar sem halda hópinn og hittast á Kaffihúsinu Súfistanum í Hafnarfirði vikulega eða svo.Alls eru þetta um 19 menn.Þátturinn vakti mikin áhuga hjá þeim og hafði Bjarni samband við mig fyrir þeirra hönd.Okkur talaðist svo til að ég kæmi á "fund" hjá þeim á Súfistanum þegar ég ætti leið í bæinn til skrafs og ráðagerða og gerði ég það nokkrum vikum seinna.Skráðu þeir sig svo allir í félagið sem stuðnings félagar og borguðu árgjöldin.Þetta er mikill fengur fyrir ungt og lítið félag eins og okkar að fá svona góðan stuðning.

 

En þeir gerðu betur því nú í byrjun apríl komu þessir menn hingað að Tjörn í heimsókn með rútu sem þeir tóku saman á leigu.Þeir skoðuðu búið,sáu fullorðnu hænurnar og hanana(stofninn sem hér er)nýklakta unga,aðstöðuna, bæði hjá fuglunum og ungunum og borðuð hér hádegismat.Svo var farið um Vatnsnesið og skoðaðir markverðir staðir.Um kvöldið var svo borðað saman á Gauksmýri sem er hesta og ferðaþjónustu býli hér að sunnanverðu Vatnsnesi og buðu þeir mér með þangað.Það var virkilega gaman að fá þá hingað,kynnast þeim betur og fyllir mann aukakrafti þegar fólk sýnir þessu svona áhuga sem maður er að gera og vinna að. Og Landnámshænan nýtur góðs af sem er auðvitað mottóið í þessu öllu saman.

 

Mig langar til að birta hér ynnilegt þakklæti til "Súfistanna" og þakka þeim áhugan,stuðningin,heimsóknina og allt annað sem þeir hafa gert og lagt af mörkum. Strákar ...þetta er ómetanlegt hjá ykkur! ....Hafið kæra þökk fyrir!

 

Landnámshænan í fréttum á RUV.

18.júlí.

 

Í fréttum sjónvarpsins kl 19 í kvöld var fjallað um Landnámshænuna á Tjörn og ræktunina þar. Þar var meðal annars bent á að taka hænur á leigu og fl. Þeir sem misstu af þessu en hafa áhuga á að sjá fréttina geta gert það á heimasíðu RUV á ruv.i

 

Eftir 28.mars 2010 hófst "sagan endalausa".

 

 

Já það getur tekið langan tíma að taka ákvörðun og þetta kallast "eðlilegur farvegur" ........ tvö og hálft ár að taka ákvörðun um að leigja út eina litla Rikisjörð sem er húsa lítil eftir stórbruna.þau hús sem eftir standa þarfnast mikils viðhalds og tún gömul, illa farinn vegna raka og áburðarskortsog ekki nema um 12 hektara að stærð. Við sjáum til hvernig þetta fer.

 

Frétt í Mbl.í dag --- Svar Ráðuneytisins.

17.júlí.

 

Verður auglýst með haustinu

                    Landnámshænur á Tjörn í Vatnsnesi. Júlíus Már Baldursson

Í gær greindi mbl.is frá því að landnámshænsnabóndi á Tjörn í Vatnsnesi biði enn, tveimur og hálfu árieftir bruna sem varð á jörð hans, eftir að jörðin yrði auglýst svo hann gæti sótt um áframhaldandi búsetu.

 

Bóndinn hefur þurft að fresta ýmsum framkvæmdum vegna tafa sem orðið hafa á máli hans. „Ég fer ekki að framkvæma neitt hérna fyrr en ég er kominn með vissu fyrir því að ég megi vera hérna áfram,“ sagði Júlíus Már Baldursson, landnámshænsnabóndi á Tjörn á Vatnsnesi, í samtali við mbl.is í gær.

Mbl.is hafði samband við sjávarútvegs- og landbúnaðarráðuneyti í dag og fékk þau svör að málið væri „í réttum farvegi“.

 

Þær upplýsingar fengust í dag hjá ráðuneytinu að til hefði staðið að auglýsa jörðina í vor, líkt og Júlíus Már benti á í fyrri frétt mbl.is, en nú stæði hins vegar til að auglýsa Tjörn á Vatnsnesi í ágústmánuði næstkomandi eða jafnvel í september.

Venju samkvæmt eru jarðir auglýstar til sölu og leigu á vor- og haustmánuðum þar sem illa hefur gefist að auglýsa þær yfir mitt sumar samkvæmt upplýsingum frá ráðuneyti.

  • Wix Facebook page

 

Júlíus Már Baldursson

Landnámshænan ehf / Þykkvabæ / 851 Hella / Símar 481-3348 /861-3348 / Fax 481-3349 landnamshaenan@landnamshaenan.is 

 

 

© 2023 by Name of Template. Proudly created with Wix.com